აჭარის ა/რ ჯანმრთელობისა და სოციალური დაცვის სამინისტროში, აჭარის ა/რ დასაქმების სააგენტოს 2019-2022 წწ საშუალოვადიანი გეგმის პირველი საჯარო განხილვა გაიმართა.

შეხვედრაზე ძირითადად საუბარი სააგენტოს მიერ 2019 წლისათვის განსახორციელებელ პროგრამის პროექტს შეეხო.

პრეზენტაცია სააგენტოს დირექტორმა თეიმურაზ კახიძემ წარადგინა.

სააგენტო მომავალი წლისთვის, მიზნობრივი პროგრამის "დასაქმების ხელშეწყობის უზრუნველყოფა" ფარგლებში 5 ქვეპროგრამის განხორციელებას გეგმავს:

1️⃣️ "დასაქმების ხელშეწყობა პროფესიული მომზადება / გადამზადების გზით " - ქვეპროგრამა ითვალისწინებს ერთის მხრივ პროფესიული უნარების შეძენა /ამაღლების მსურველ სამუშაოს მაძიებელთათვის, შრომის ბაზარზე მოთხოვნად პროფესიებში მოკლევადიანი გადამზადების ინტენსიური სასწავლო მოდულის შეთავაზებას, ხოლო მეორეს მხრივ სამუშაო გამოცდილების და ინდივიდუალური განათლების მქონე პირის, კვალიფიკაციის სრულყოფას გადამზადების მოკლევადიანი კურსის შეთავაზებით. ბენეფიციარები სამუშაო გამოცდილების და პრაქტიკული უნარ - ჩვევების განვითარების მიზნით გაივლიან სუბსიდირებად საწარმოო პრაქტიკას. ქვეპროგრამით ისარგებლებს 100 ბენეფიციარი.

2️⃣️ "შშმ პირთა პროფესიული გადამზადებისა და დასაქმების ხელშეწყობა"- ქვეპროგრამის ფარგლებში იგეგმება 8 შშმ პირისათვის შრომითი უნარების ინდივიდუალური შეფასების ინსტრუმენტის საფუძველზე კარიერული განვითარების გეგმის შედგენა, ინდივიდუალურ საჭიროებებზე მორგებული პროფესიული სასწავლო კურსის შეთავაზება და დასაქმების ხელშეწყობის მიზნით სტაჟირების /საწარმოო პრაქტიკის ორგანიზება.

3️ "️კვალიფიკაციის ამაღლება არაფორმალური განათლების გზით"- ქვეპროგრამა ითვალისწინებს სააგენტოს პარტნიორ ორგანიზაციებში დასაქმებული 140 პერსონალისთვის კვალიფიკაციის ამაღლების ხელშეწყობას, მათთვის საერთაშორისო გამოცდილების გაზიარებას ახალი საბაზრო მოთხოვნებისა და საჭიროებების შესაბამისად ორგანიზაციული მართვის, მარკეტინგის, შრომის პროფესიული უსაფრთხოებისა და სხვა საკითხებში.

4️⃣️️ "სტუდენტთა დასაქმების ხელშეწყობა" - ქვეპროგრამით განსაზღვრულია სტუდენტების პროფესიული და პიროვნული უნარების განვითარებისათვის სწავლასთან თავსებადი განრიგით შრომის ბაზრის მიმართულებებზე ორიენტირებული მოკლევადიანი არაფორმალური განათლების მოდულის შეთავაზება, სწავლების პერიოდში, კონკრეტულ სამუშაო ადგილზე საწარმოო პრაქტიკის კომპონენტის გაძლიერებით პროფესიისთვის საჭირო უნარების ამაღლება და მიღებული ცოდნის შესაბამისად პარტნიორ ორგანიზაციებში სწავლასთან თავსებადი სამუშაო ადგილის შეთავაზება.

5️ "სააგენტოს საქმიანობის პოპულარიზაცია" - ქვეპროგრამის ფარგლებში დაგეგმილია სააგენტოს საქმიანობისა და სერვისების შესახებ ინფორმირებულობა, პერსონალური თანამშრომლობის გზით დამსაქმებლებთან/სამუშაოს მაძიებლებთან კომუნიკაციის გააქტიურება ვაკანსიების მოზიდვის მიზნით და სკოლამდელი განათლებისა და ზოგადსაგანმანათლებლო დაწესებულებებში პროფესიული ორიენტაციის და კარიერული განვითარების კუთხით ცნობიერების ამაღლება.

ჯამში პროგრამის ბიუჯეტი შეადგენს 332 900 ლარს.

(NS)

ავტორი: ,

სოციალური ქსელები

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა

მოქალაეებს ჯარიმის შესახებ ცრუ შეტყობინება ეგზავნებათ- საპატრულო პოლიცია გავფრთხილებას ავრცელებს

შსს-ს ადამიანის უფლებათა დაცვის დეპარტამენტს ცენზურის განხორციელებისთვის მონიტორინგი დაევალა

ფაშინიანი: საქართველო მნიშვნელოვან როლს ასრულებს სომხეთ-ევროპის ურთიერთობებში