დღეიდან ბათუმს თანამედროვე საფეხბურთო ბაზა მოემსახურება.

ანგისის დასახლებაში ახალი სპორტული ბაზის გახსნას აჭარის მთავრობის თავმჯდომარე ზურაბ პატარაძე, აჭარის უმაღლესი საბჭოს თავმდჯომარე დავით გაბაიძე, ქალაქ ბათუმის მერი ლაშა კომახიძე, აღმასრულებელი და საკანონმდებლო ხელისუფლების წარმომადგენლები ესწრებოდნენ.

სპორტულ მოედანზე შეკრებილ დინამო „ბათუმის" გულშემატკივრებს ახალი სპორტული სივრცის გახსნა აჭარის მთავრობის თავმჯდომარემ მიულოცა. ზურაბ პატარაძემ ხაზი გაუსვა ახალი სპორტული ინფრასტრუქტურის შექმნის მნიშვნელობას და სპორტული ტურიზმის განვითარებას, რაც თავის მხრივ ხელს შეუწყობს რეგიონში ოთხივე სეზონის გააქტიურებას.

„მინდა განსაკუთრებულად მივულოცო ეს მნიშვნელოვანი მონაპოვარი ბათუმის დინამოს, ვეტერან ფეხბურთელებს, ზოგადად, ფეხბურთის გულშემატკივრებს ჩვენს ქალაქში. ბათუმის საფეხბურთო ბაზის დახმარებით, მჯერა, ბათუმის „დინამოს" ექნება  უფრო მეტი შესაძლებლობები და მოტივაციაც, რომ მიაღწიონ მეტ წარმატებას." - აღნიშნა ზურაბ პატარაძემ.

გახსნის ღონისძიების ფარგლებში შესრულდა საქართველოს ჰიმნი და გაჟღერდა ბათუმის "დინამოსათვის" შექმნილი სპეციალური ჰიმნი და სიმღერა ბათუმზე.

თანამედროვე სპორტული სივრცე, რომელიც 80 000-კვადრატულ მეტრს მოიცავს, აერთიანებს 5 სექტორს,  1575 მაყურებელზე გათვლილ ტრიბუნას და შშმ პირთათვის განკუთვნილი სივრცეს.  ბაზას ბუნებრივსაფარიან და  ხელოვნურსაფარიან მოედნებთან ერთად  აქვს 3 სართულიანი მრავალფუნქციური შენობა.

ახალი სპორტული ბაზა ხელს შეუწყობს არა მხოლოდ სპორტის განვითარებას და ჯანსაღი ცხოვრების პოპულარიზაციას, არამედ საერთაშორისო წვრთნებისა და ღონისძიებების ბათუმში მოზიდვას, სპორტული ტურიზმის განვითარებას.

(NS)

ავტორი: ,

სოციალური ქსელები

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა

მოქალაეებს ჯარიმის შესახებ ცრუ შეტყობინება ეგზავნებათ- საპატრულო პოლიცია გავფრთხილებას ავრცელებს

შსს-ს ადამიანის უფლებათა დაცვის დეპარტამენტს ცენზურის განხორციელებისთვის მონიტორინგი დაევალა

ფაშინიანი: საქართველო მნიშვნელოვან როლს ასრულებს სომხეთ-ევროპის ურთიერთობებში