ვენესუელაში ციხის ბუნტს 68 ადამიანი ემსხვერპლა

2018-03-29 11:29:06, 1975 ნახვა

მსოფლიო

ვენესუელას ქალაქ ვალენსიაში პოლიციის განყოფილებაში მომხდარ ამბოხსა და ხანძარს მსხვერპლი მოყვა.

BBC-ის ცნობით, მომხდარს, 68 ადამიანის სიცოცხლე ემსხვერპლა.

გავრცელებული ინფორმაციით, პოლიციის განყოფილებაში ხანძარი პატიმრებმა გააჩინეს, მათ ცეცხლი მატრასებს წაუკიდეს. ამ გზით ისინი გაქცევას ცდილობდნენ.

პოლიციამ განყოფილების სიახლოვეს შეკრებილი პატიმრების ახლობლები ცრემლმდენი გაზით დაშალა. ისინი პოლიციის შენობასთან მას შემდეგ მივიდნენ, რაც ხანძრის შესახებ გაიგეს.

ქალაქის გენერალური პროკურორის განცხადებით, საგამოძიებო მოქმედებები დაუყოვნებლივ დაიწყება და მომხდარის მიზეზს მალე დაადგენენ.

კარაბობოს შტატში გლოვა გამოაცხადეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები