ფინანსთა მინისტრის მოადგილის გიორგი კაკაურიძის განცხადებით, ამ ეტაპზე ბიუჯეტის კორექტირების საჭიროება არ არის. „ვაკვირდებით ეკონომიკურ პროცესებს. როდესაც დავინახავთ, რომ გვაქვს საკმარისი ინფორმაცია, რათა ბიუჯეტის კორექტირება მოხდეს, სწორედ მაშინ განვახორციელებთ ამას. ამ ეტაპზე ბიუჯეტის კორექტირების საჭიროება არ არის“, - აღნიშნა კაკაურიძემ.

ცნობისთვის, რამდენიმე დღის წინ ეკონომიკისა და მდგრადი განვითარების მინისტრმა გიორგი კვირიკაშვილმა განაცხადა, რომ მთავრობას ბიუჯეტის კორექტირება მოუწევს. კვირიკაშვილის თქმით, ბიუჯეტის კორექტირებას მეორე კვარტლის ბოლოს, ეკონომიკური ზრდის პროგნოზის მაჩვენებლის დაზუსტების შემდეგ მოახდენენ. „ბიუჯეტის კორექტირება საჭირო იქნება, ამაზე შეკითხვის ნიშანი არ არსებობს და მე მას ვამბობ იანვრის თვიდან მოყოლებული. მეორე კვარტლის ბოლოს, ჩვენი ეკონომიკური ზრდის პროგნოზის დაზუსტებული მაჩვენებლიდან გამომდინარე, ჩვენ გავაკეთებთ შესაბამის კორექტირებას ბიუჯეტის მიმართულებით",-განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კომუნიკაციების კომისიამ ტერმინების გამო ფორმულა 2 500 ლარით დააჯარიმა

საგამოძიებოს ცნობით, კორუფციულ და საფინანსო-ეკონომიკურ სფეროში ჩადენილი სამი დანაშაულებრივი ფაქტი გამოავლინეს

სასამართლოს გადაწყვეტილებით, EU-ს ტრასტებში შენახული რუსული აქტივების გაყინვაც შეუძლია

ყაზახეთმა ქვეყანაში „გაზპრომის“ აქტივების ჩამორთმევის ნებართვა გასცა უკრაინის მიერ შეტანილი 1.4 მილიარდი დოლარის ოდენობის სარჩელის შემდეგ