პირველი ვიცე-პრემიერის, ეკონომიკისა და მდგრადი განვითარების მინისტრის დიმიტრი ქუმსიშვილის განცხადებით, საქართველოში დამონტაჟებული ყველა საბაგირო ტექნიკურად გამართულია.

მისივე თქმით, პერსონალი, რომელც საბაგიეროებზე მუშაობს კვალიფიციურია.

"მინდა დავარწმუნო ყველა ჩვენი სტუმარი, რომ ყველა საბაგირო ტექნიკურად აბსოლუტურად გამართულია, ყველა საბაგიროს აქვს შემოწმება გავლილი. პერსონალი არის აბსოლუტურად გადამზადებული და შესაბამისად, მათ უნდა იცოდნენ ის ინსტრუქციები, რომელთა მიხედვითაც უნდა მოიქცნენ ასეთ შემთხვევებში", - განაცხადა ქუმსიშვილმა.

ცნობისთვის, პირველმა ვიცე-პრემიერმა დღეს საზოგადოებას გუდაურში მომხდართან დაკავშირებით საერთაშორისო კომპანია „ბიურო ვერიტასის“ დასკვნა გააცნო. როგორც მინისტრმა აღნიშნა, მომხდარის მიზეზი ოპერატორის შეცდომა გახდა.

შეგახსენებთ, 16 მარტს, გუდაურში „საძელეს“ საბაგიროს მწყობრიდან გამოსვლის შედეგად, 11 ადამიანი დაშავდა.

შინაგან საქმეთა სამინისტრომ მომხდარ ფაქტთან დაკავშირებით გამოძიება საქართველოს სსკ-ს 275-ე მუხლით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

ავტორი: ,

სოციალური ქსელები

„გახარია საქართველოსთვის“ მოსკოვსა და ცხინვალს შორის „შეთანხმების“ წინააღმდეგ რეზოლუციის ინიციატივით გამოდის

თითქოს სიღარიბის შემცირების გამო, რეჟიმი სოციალური დახმარებას გადახედავს, დავალება უწყებებმა უკვე მიიღეს

პროკურატურამ ჩოხატაურში მომხდარ მკვლელობაზე ერთ პირს ბრალი წაუყენა

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება