შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი ვერ საუბრობს კონკრეტულ ვადებზე, როდესაც არჩილ ტატუნაშვილის ცხედრის ოჯახისთვის გადაცემა მოხდება.

როგორც მან ჟურნალისტებს განუცხადა, 24 საათიან რეჟიმში მიმდინარეობს მუშაობა იმისათვის, რომ ტატუნაშვილის ცხედარი ოჯახს დაუბრუნდეს.

ციხელაშვილი ასევე გამოეხმაურა რუსეთის საგარეო საქმეთა სამინისტროს განცხადებას, სადაც მათ ტატუნაშვილის გარდაცვალებას სამწუხარო უწოდეს:

„ჩვენ ამ ტრაგიკული ფაქტის პირველივე დღიდან ვამბობდით  და ახლაც ამ კონტექსტში  შეგვიძლია ვთქვათ, რომ ცხადია, ეს  უკავშირდება რუსეთის პასუხისმგებლობას და თავად ეს განცხადებაც გაკეთებულია სწორედ იმ აქტორის მიმართ, რომელიც ახორციელებს კონტროლს და პასუხისმეგებლია იმ ვითარებასა და მოვლენებზე, რომლებიც დღეს ხდება საუბედუროდ. აქედან გამომდინარე, ბუნებრიივა, ჩვენი მოლოდინი უკავშირდება ქმედით ნაბიჯს და არა გარკვეული განწყობების დაფიქსირებას.ეს არის ძალიან დიდი ტრაგედია.ეს არ არის მხოლოდ ოჯახის ტრაგედია. თითოეული ჩვენგანი არის 24 საათიან რეჟიმში, ყველა შესაძლო არხით, ფორმალური, თუ არაფრომალური კონტაქტებია ჩართული, მათ შორის უმაღლეს დონეზე, რომ მოხერხდეს გადმოსვენება და ოჯახისათვის გადაცემა.ეს არის ძალიან მაღალი პრიორიტეტი და ამვდროულად, ბუნებრივია, ჩვენ ვაცნობიერებთ, რომ ეს არის ძალიან დესტრუქციული ქმედება თავის მხრივ, და, ალბათ, ძალიან მაღალი პასუხისმგებლობით ამ პრინციპულობასთან ერთად უნდა მივუდგეთ ყველაფერს იქიდან გამომდინარე, რომ  ჩვენი ქვეყნისთვის სასიცოცხლოდ მნიშვნელოვანი გახლავთ მშვიდობა, სტაბილურობა, რაც არ  ნიშნავს არსებულოი ვითარების სტაბილიზაციას, ამას ხაზს ვუსვამ, სწორედ ამიტომ ვეძებთ გამოსავლებს“,-განაცხადა ქეთევან ციხელაშვილმა.

ავტორი: ,

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს