საქართველოს საგარეო საქმეთა მინისტრის მიხეილ ჯანელიძის განცხადებით, ჟენევის მოლაპარაკებების  შემდეგი რაუნდი  არსებული ფორმატით ჩატარდება.

როგორც მან ჟურნალისტებს განუცხადა, მაღალი პოლიტიკური დონის ჩართულობასთან დაკავშირებით საუბარი არ გულისმხობს იმას, რომ ჟენევის მოლაპარაკებების შემდეგ რაუნდზე პრემიერ-მინისტრი გაემგზავრება.

ჯანელიძის განმარტებით, საქართველოს მთავრობა ამბობს, რომ  მზადაა,  საჭიროების შემთხვევაში, უზრუნველყოს მაღალი პოლიტიკური დონის მონაწილეობა  ჟენევის ფორმატში.

„საქართველოს მთავრობის მიდგომა რჩება კონსტრუქციული და არის ორიენტირებული რუსეთ-საქართვბელოს კონფლიქტის მშვიდობიანად დარეგულირების გზების მოძებნისკენ. ჩვენ გავაგრძელებთ ამ პრინციპით, ამ მიდგომით ჟენევის საერთაშორისო დისკუსიების ფორმატში მონაწილეობას და ჩვენი მიდგომა უკავშირდება იმას, რომ მოიძებნოს ამ რთული ჩიხური მდგომარეობისდან შესაძლო გამოსვლის გზები და თუ ამისთვის საჭიროა უფრო  მაღალი პოლიტიკური დონის ჩართულობა, ჩვენ ვთვლით, რომ მაღალი დონის პოლიტიკური ჩართულობით შესაძლებელია  კიდევ უფრო მეტი ნაბიჯის გადადგმა,ჩვენ ამისთვის მზაობას გამოვთქვამთ.

მინდა, ხაზი გავუსვა, რომ ეს არ გულისხმობს, რომ შემდეგ რაუნდზე ქვეყნის პრემიერ-მინისტრი გაემგზავრება ჟენევაში.ჟენევაში შემდეგი რაუნდი ჩატარდება ისეთივე ფორმატში, რა ფორმატშიც აქამდე მიმდინარეობდა,ჩვენი მიზანია, რომ ამ და შემდეგ რაუნდებზე შეიქმნას იმის საფუძველი, რომ ჩვენ გადავდგათ ნაბიჯები კონფლიქტის მშვიდობიანი დარეგულირებისკენ. ამას ემსახურება აქამდე ყველა ჩვენი ნაბიჯი და მომავალშიც ჩვენი მიზანი იქნება მშვიდობიანი გზით ჩვენი ტერიტორიული მთლიანობის აღდგენა“,-განაცხადა მიხეილ ჯანელიძემ.

ავტორი: ,

სოციალური ქსელები

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი

ევროკომისიის ეკონომიკური პროგნოზი - ინფლაცია გასულ წელს გაიზარდა სურსათის ფასების ზრდისა და მოთხოვნის ზეწოლის გამო და 2026 წელსაც მაღალი დარჩება

ევროკომისიის ეკონომიკური პროგნოზის მიხედვით, ინვესტიციების ზრდა, შემცირებული დარჩება შიდა პოლიტიკურ სიტუაციასთან დაკავშირებულ გაზრდილ გაურკვევლობის გამო

თუ საზღვარგარეთ განათლების მიღება გსურთ, დაესწარით საქართველოს ბანკისა და LEAF-ის ვებინარს