თბილისის მერი კახი კალაძე კატეგორიულად გამორიცხავს, რომ კომპანია „ნიკარემსტროის“ ტენდერიდან  დისკვალიფიცირება, მის რუსულ წარმომავლობას უკავშირდებოდეს.

კალაძის განმარტებით, ყველა კომპანიამ კანონით გათვალისწინებული მოთხოვნები უნდა შეასრულოს, წინააღმდეგ შემთხვევაში ის ტენდერიდან მოიხსნება.

მისივე თქმით, თუ ხსენებულ კომპანიას დარღვევები ჰქონდა,  ვერ გაიმარჯვებდა:

 „არანაირი კავშირი არ აქვს წარმომავლობას. ჩვენთვის მთავარია, ის, რაც კანონით მოთხოვნილია, ჰქონდეს ყველა კომპანიას გათვალისწინებული. ჩვენ, თუ ვინმეს რაიმე დარღვევა  აქვს, არავის თავს არ დავუხრით და თვალს არ დავხუჭავთ კონკრეტულ დარღვევებზე. შესაბამისად, თუ ამ კომპანიას ჰქონდა დარღვევები,  რა თქმა უნდა,  ის იქნებოდა დისკვალიფიცირებული და ვერ გაიმარჯვებდა. ასე რომ, მინდა დაგარწმუნოთ, რომ იყავით წყნარად, ჩვენ არავის მივცემთ იმის შესაძლებლობას, რომ ვინმემ რაიმე არაკეთილსინდისიერად იმოქმედოს“,-განაცხადა კალაძემ.

კომპანია „ნიკარემსტროი“ ვაშლიჯვრის ესტაკადის მშენებლობაზე გამოცხადებულ  ტენდერში მონაწილეობდა.

ავტორი: ,

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები