უკრაინისა და საქართველოს მთავრობებს შორის მზადდება შეთანხმება მართვის მოწმობების ურთიერთაღიარებისა და გაცვლის შესახებ, - ამის შესახებ უკრაინის შინაგან საქმეთა მინისტრმა არსენ ავაკოვმა საქართველოს ელჩთან გელა დუმბაძესთან შეხვედრის დროს განაცხადა.

ინფორმაციას Unian.ua ავრცელებს.

მედია საშუალების ინფორმაციით, შეხვედრის ფარგლებში მხარეებმა ხაზი გაუსვეს უკრაინისა და საქართველოს შინაგან საქმეთა სამინისტროებს შორის, კერძოდ, პოლიციის საქმიანობის სფეროში უწყებათაშორისი თანამშრომლობის ეფექტურობის მაღალ დონეს.

„ჩვენმა ხალხმა ერთად უნდა დაძლიოს სირთულეები, რომელიც ჩვენს გზაზე წარმოიქმნა. საქართველოსა და უკრაინის სამართალდამცავი ორგანოების ეფექტური მუშაობა, რა თქმა უნდა, დადებითად იქნება აღნიშნული ორივე ქვეყნის მოქალაქეების მიერ“, - განაცხადა არსენ ავაკოვმა.

ამასთან, უკრაინის შს მინისტრის თქმით, თანამშრომლობის პრიორიტეტული მიმართულებებია უკრაინისა და საქართველოს მთავრობებს შორის შეთანხმების მომზადება მართვის მოწმობების ურთიერთაღიარებისა და გაცვლის შესახებ, ასევე უწყებათაშორისი თანამშრომლობა ტრანსსასაზღვრო დანაშაულებების აღკვეთის მიზნით.

თავის მხხრივ ქართველმა დიპლომატმა აღნიშნა, რომ მჭიდრო თანამშრომლობა საქართველოსა და უკრაინას შორის არსებული კარგი ურთიერთობის დასტურია. 

ავტორი: ,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“