2018 წლის იანვარში, წინა თვესთან შედარებით ინფლაციის დონემ საქართველოში 0.6%, ხოლო წლიური ინფლაციის დონემ 4.3% შეადგინა.

„საქსტატის“ ინფორმაციით, იანვარში სურსათი და უალკოჰოლო სასმელები 1.7 % -ით გაძვირდა. ფასები გაიზარდა ქვეჯგუფებზე: ხილი და ყურძენი 9.8%, ბოსტნეული და ბაღჩეული 5.3%, რძე, ყველი და კვერცხი 3%, შაქარი, ჯემი და სხვა ტკბილეული 1.0%. გარდა ამისა, ფასები გაიზარდა ელექტროენერგიის, აირის და სათბობის სხვა სახეების (2.5%)აგრეთვე წყალმომარაგების და საცხოვრებელთან დაკავშირებული სხვა მომსახურების (7.7%) ქვეჯგუფებზეც.

ამავე ინფორმაციის თანახმად, ტანსაცმელი და ფეხსაცმელი გაიფდა 2.1%-ით. შესაბამისად, ჯგუფის წვლილმა ინფლაციის მთლიან მაჩვენებელში -0,08 პროცენტული პუნქტი შეადგინა. ჯგუფში ფასები შემცირდა როგორც ფეხსაცმლის (-3,5 პროცენტი), ისე ტანსაცმლის (-1,5 პროცენტი) ქვეჯგუფებზე.

"ფასები გაიზარდა პირადი სატრანსპორტო საშუალებების ექსპლუატაციაზე (9.7%) და სატრანსპორტო მომსახურებაზე (3.4 %). ამასთან, ფასები შემცირდა სატრანსპორტო საშუალებების შეძენაზე (-9.2%).

ფასები გაიზარდა ალკოჰოლურ სასმელებზე - 11,5 პროცენტით, რაც 0,75 პროცენტულიპუნქტით აისახა მთლიანი ინდექსის ზრდაში. ჯგუფში ფასების მატება დაფიქსირდა ასევე თამბაქოს ნაწარმზე (19,8 პროცენტი)", - ნათქვამია ინფორმაციაში.

ავტორი: ,

სოციალური ქსელები

ნატო რუსეთის საზღვრებთან 60 000 ჯარისკაცამდე გააძლიერებს თავის ყოფნას

ოპოზიციურმა ალიანსმა პატიმრების ოჯახებისთვის თანხების შეგროვების კამპანიის დაწყების შესახებ განაცხადა.

გვარამიამ საქართველოში ახალი საპროტესტო აქციები და „ახალი რეალური არჩევნები“ დააანონსა

ზელენსკი: უკრაინა მზადაა საქართველოსთან ორმხრივად სასარგებლო ურთიერთობებისთვის