საქართველოს მესამე პრეზიდენტის მიხეილ სააკაშვილის ინფორმაციით, სასამართლო სხდომა, სადაც მისი დეპორტაციის საკითხი უნდა განიხილონ, 5 თებერვლისთვის გადაიდო.

ამის შესახებ სააკაშვილი Facebook-ის საკუთარ გვერდზე გავრცელებულ ვიდეო მიმრთვაში განაცხადა.

სააკაშვილი მიიჩნევს, რომ სხდომის გადადების მიზეზი 4 თებერვალს დაგეგმილი მარშია.

"სასამართლო სხდომა, ჩემს დეპორტაციასთან დაკავშირებით 5 თებერვლისთვის გადაიტანეს, რადგან ეშინიათ 4 თებერვლის მარშზე უფრო მეტი ადამიანი არ გამოვიდეს. მიმაჩნია, რომ ყველა შემთხვევაში ბევრი ადამიანი უნდა გამოვიდეს აქციაზე, რადგან ამის უამრავი მიზეზი არსებობს. მათ უგულებელყვეს ჩვენი მოთხოვნები კანონებთან დაკავშირებით, არ ითვალისწინებენ ხალხის აზრს და საერთოდ ცუდად იქცევიან. იცით, ცხრა წელი პრეზიდენტი ვიყავი და არც ერთხელ არ მივეცი ჩემს თავს იმის უფლება, რომ სეიშელის ან მალდივის კუნძულებზე დამესვენა. უკრაინაში გვყავს პეტრო მალდივსკი და იურა სეიშელსკი. ისინი მოსახლეობას დასცინიან და ომის დროს დასასვენებლად მიდიან. რაც ყველაზე მთავარია ხალხის ფულებით ისვენებენ. სრული პასუხისმგებლობით ვაცხადებ - როგორც არ უნდა მომექცნენ, მგონია რომ ხალხი მარშზე უნდა გამოვიდეს არა სააკაშვილისთვის, არამედ საკუთარი თავისთვის, იმისთვის, რომ ჩვენი ცხოვრება შეიცვალოს, იმისთვის, რომ პრეზიდენტმა, რომელმაც ხალხის იმედი არ გაამართლა, პოსტი დატოვოს. ჩვენ ერთად უნდა დავდგეთ და ბევრნი უნდა ვიყოთ. გელოდებით 4 თებერვალს, 12:00 საათზე შევჩენკოს პარკთან", - განაცხადა სააკაშვილმა.

ავტორი: ,

სოციალური ქსელები

სამთავრობო იმედის სახემ ნანუკა ხაზარაძემ ტელევიზია დატოვა

ცოტნე ივანიშვილი - არსებობს ყალბი სტერეოტიპი, თითქოს ახალგაზრდების უმეტესობა ქართული ოცნების მიმართ რადიკალურად ცუდად არის განწყობილი

დამოუკიდებლობის დღესთან დაკავშირებით 27-28 მაისამდე ქუჩების ნაწილზე მოძრაობა შეიზღუდება

ზელენსკი - პუტინს უკვე სიტყვა „ურა“-ს ნორმალურად წარმოთქმაც კი არ შეუძლია, ლუღლუღებს, მაგრამ თავისი რაკეტებით მაინც საცხოვრებელ სახლებს „ამარცხებს“