გურიის გუბერნატორად გია სალუქვაძე დაინიშნა

2015-05-11 10:59:15, 396 ნახვა

პოლიტიკა

გურიის მხარის სახელმწიფო რწმუნებულად გია სალუქვაძე დაინიშნა.

მთავრობის ადმინისტრაციის პრესსამსახურის ინფორმაციით, გურიის ახალ გუბერნატორს დღეს პრემიერ–მინისტრი ირაკლი ღარიბაშვილი შეხვდა.

მთავრობის მეთაურმა მას წარმატებები უსურვა მომავალ საქმიანობაში და რეგიონში მიმდინარე პროექტებზე ესაუბრა.

გია სალუქვაძემ მადლობა გადაუხადა პრემიერ–მინისტრს გამოცხადებული ნდობისთვის.

გურიის ახალი გუბერნატორი პროფესიით სამართალმცოდნეა, არის მეცნიერებათა დოქტორი. იგი დღემდე იკავებდა სს გეს "საქრუსენერგო" გენერალური დირექტორის მრჩეველის პოსტს. არის ყოფილი პოლიტპატიმარი. ჰყავს მეუღლე და 4 შვილი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან