საქართველოს პრეზიდენტმა გიორგი მარგველაშვილმა სამეზობლო პოლიტიკისა და გაფართოების შესახებ მოლაპარაკებების საკითხებში ევროკომისარი იოჰანეს ჰანი მიიღო.

პრეზიდენტის პრესსამსახურის ინფორმაციით, მხარეებმა ევროკავშირი-საქართველოს ურთიერთობები განიხილეს, საუბარი შეეხო ასოცირების ხელშეკრულების იმპლემენტაციის მნიშვნელობას  და რიგის სამიტზე საქართველოს მოლოდინს.

შეხვედრისას მხარეებმა რეგიონში არსებულ ვითარებაზეც იმსჯელეს, კერძოდ აფხაზეთსა და რუსეთს შორის გაფართოებულ „მოკავშირეობისა და ინტეგრაციის  შესახებ“ ე.წ. ხელშეკრულებაზე.  

გიორგი მარგველაშვილმა იოჰანეს ჰანთან შეხვედრისას ასევე აღნიშნა რომ რაც მოხდა უკრაინაში გარკვეულწილად 2008 წლის აგვისტოში საქართველოში განხორციელებული  ქმედებების გაგრძელებაა.
 
"ჩვენ გვქონდა ძალიან შინაარსობრივი დისკუსია და მსჯელობა საქართელოს პოლიტიკური, გეოპოლიტიკური განვითარების ყველაზე მნიშვნელოვანი ვექტორის - ევროპული ვექტორის შესახებ და იმ ძირითადი მიმართულებებისა და ნაბიჯების შესახებ ვიმსჯელეთ, რომელიც ამ თვალსაზრისით ჩვენ უნდა გადავდგათ უახლოეს მომავალში“, - განაცხადა საქართველოს პრეზიდენტმა.

როგორც იოჰანეს ჰანმა აღნიშნა, ევროკავშირი  დაინტერესებულია კიდევ უფრო მჭიდროდ ითანამშრომლოს საქართველოსთან.

"ევროკავშირი  დაინტერესებულია კიდევ უფრო მჭიდროდ ითანამშრომლოს საქართველოსთან და მაქსიმალური შესაძლებლობების ფარგლებში ჩვენი წვლილი შევიტანოთ, რომ საქართველო უფრო დაუახლოვდეს ევროკავშირს. ასოცირების ხელშეკრულება არის პირველი მნიშვნელოვანი ნაბიჯი და ახლა საქმე ეხება იმპლემენტაციას;  მაგრამ ასევე ძალიან სასიამოვნო იყო იმის მოსმენა, რომ საქართველოს შეუძლია იყოს და შეასრულებს უფრო გამორჩეულ როლს, როგორც დამაკავშირებელს აღმოსავლეთსა და ევროპას შორის პარტნიორებისათვის.  საქართველოს შეუძლია იყოს  არბიტრი ორ მხარეს, ორ რეგიონს შორის და ეს შესაძლოა იყოს ძალიან მნიშვნელოვანი საერთაშორისო როლი საქართველოსათვის მომავალში“, - განაცხადა ევროკომისარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა