ეროვნული ბანკის პრეზიდენტი კობა გვენეტაძე, ლარის კურსის გაუფასურებას საზოგადოებაში არსებულ მოლოდინებს უკავშირებს.

გვენეტაძის განცხადებით, დღეს შეუძლებელია იმის თქმა, თუ რატომ გაუფასურდა ეროვნული ვალუტა.

ამასთან, სებ-ის პრეზიდენტმა  პარლამენტში, საფინანსო-საბიუჯეტო კომიტეტის სხდომაზე განმარტა, რომ ლარის კურსთან დაკავშირებით შეფასების გაკეთება მეოთხე კვარტლის ბოლოს იქნება შესაძლებელი.

"თუ შევხედავთ იმ საგარეო ფაქტორებს, რომლებიც დღესდღეობით გვაქვს არის გაუმჯობესება. როგორც წესი როდესაც ჩვენ გვინდა დავადგინოთ თუ რა მოუვიდა ვალუტას, ამისათვის უნდა შევხედოთ საგადამხდელო ბალანსს. საგადამხდელო ბალანსი არის კვარტალური ინფორმაცია, რომელიც საკმაოდ ბევრი ინფორმაციის კრებულია. კვარტლის ბოლოს ხდება ამ ინფორმაციების მიღება. დღესდღეობით რასაც ვუყურებთ ერთადერთი მიზეზი, რომელსაც ვხედავთ არის მოლოდინები. მოლოდინი იყო, რომ შემოდგომაზე ლარი აუცილებლად გაუფასურდებოდა, რომ არჩევნების შემდეგაც აუცილებლად გაუფასურდებოდა. მაგრამ არ არის გამორიცხული, რომ ვთქვათ მაგალითად - ნოემბერში გვქონდა იმპორტის ზრდა. საბოლოოდ ამასთან დაკავშირებით პასუხის გაცემა შესაძლებელი იქნება კვარტლის ბოლოს, როდესაც მთელი ინფორმაცია შეგროვდება, როდესაც საგადამხდელო ბალანსს, მეოთხე კვარტალს დავდებთ და შევხედავთ. მიუხედავად ძალიან დიდი სურვილისა შეუძლებელია დღეს ჩავშალოთ საკითხები, თუ რატომ მოხდა ლარის ასეთი გაუფასურება. წლიური ანგარიშის მოსმენა სწორედ იმიტომ ხდება წლის მეორე ნახევარში, რომ დასაწყისში ამ ინფორმაციის შეგროვება შეუძლებელია. ჩემთვის და ეროვნული ბანკისთვის ერთჯერადი ფაქტორი, რომელსაც კურსის შესუსტება შეეძლო, არ არსებობს", - განაცხადა გვენეტაძემ.

ამასთან, ეროვნული ბანკის ხელმძღვანელმა ხაზი გაუსვა იმ ფაქტს, რო მეზობელ ქვეყნებდში ეროვნული ვალუტა ანალოგიურად უფასურდება:

"მაგალითად, 2 კვირის წინ თურქული ლირა თავის ისტორიულ მინიმუმს მიაღწია', - დასძინა გვენეტაძემ.

შეგახსენებთ, რომ ბოლო ერთი თვის განმავლობაში ეროვნული ვალუტი გაუფასურებას განაგრძობს. ლარი დოლართან მიმართებაში დაახლოებით 20 თეთრით, ხოლო ევროსთან მიმართებაში თითქმის 40 თეთრით გაუფასურდა. 

ავტორი: ,

სოციალური ქსელები

მედვედევი კიევის დაბომბვაზე - ჩვენ უნდა დავრტყმა მივიტანოთ - როგორც დღეს გავაკეთეთ და კიდევ უფრო ძლიერად

უსიკმა დაძაბულ ბრძოლაში ვერჰოვენი ნოკაუტით დაამარცხა და ჩემპიონის ტიტულები დაიცვა

თეთრი სახლის მახლობლად სროლის ხმა გაისმა, საიდუმლო სამსახურმა კი ეჭვმიტანილი მოკლა

კიევში დაჭრილთა რიცხვი 44 მდე გაიზარდა, დაღუპული წინასწარი ცნობით სამია