„ჩვენ, როგორც საზოგადოება, სამწუხაროდ აღმოვჩნდით ძალიან აგრესიული და ძალადობრივი“, - ასე შეაფასა საქართველოს პრეზიდენტმა გიორგი მარგველაშვილმა გუშინ ხორავას ქუჩაზე მომხდარი ტრაგედია.

პრეზიდენტმა დაპირისპირების დროს გარდაცვლილი მოზარდის ოჯახს მიუსამძიმრა, ხოლო დაჭრილ მოსწავლეს გამოჯანმრთელება უსურვა.

"პირველ რიგში მინდა მივუსამძიმრო მთელ საზოგადოებას, იმიტომ, რომ ასეთი ტრაგედიის დროს, ბუნებრივია, ყველა ვართ შეძრწუნებული და შეშინებული იმით, რაც მოხდა. ოჯახს მინდა მივუსამძიმრო. მინდა ვუსურვო მალე გამოჯანმრთელება ჩვენს შვილებს, რომლებიც არიან დაშავებული. პასუხისმგებლობა და ის ვის უნდა მოვკითხოთ ამ ტრაგედიის თაობაზე, ეს კითხვები დაისმება მომავალში. მაგრამ ერთმნიშვნელოვნად უნდა ითქვას, რომ როგორც საზოგადოება, ჩვენ სამწუხაროდ აღმოვჩნდით ძალიან აგრესიული და ძალიან ძალადობრივი. ეს არ გამოიხატება მარტო ამ მოვლენაში", - განაცხადა გიორგი მარგველაშვილმა.

შეგახსენებთ, რომ ხორავას ქუჩაზე ურთიერთშელაპარაკების დროს 2 მოსწავლე დაიჭრა. ერთ-ერთი საავადმყოფოში მიყვანამდე დაიღუპა, მეორეს კი, ოპერაცია ჩაუტარდა. ექიმების ინფორმაციით, მისი მდგომარეობა მძიმეა და ის მართვით სუნთქვაზე იმყოფება.

ავტორი: ,

სოციალური ქსელები

თეთრი სახლის მახლობლად სროლის ხმა გაისმა, საიდუმლო სამსახურმა კი ეჭვმიტანილი მოკლა

კიევში დაჭრილთა რიცხვი 44 მდე გაიზარდა, დაღუპული წინასწარი ცნობით სამია

უკრაინის თავდაცვის მინისტრის მრჩეველი - რუსებმა ბირთვული რაკეტა გამოუშვეს, ქობინის გარეშე, ტვინმოტ...ლები

გავრცელებული ცნობით, რუსეთმა კიევის რეგიონზე „ორეშნიკი“ გამოიყენა