პრეზიდენტმა რიგგარეშე სხდომის მოწვევის თაობაზე განკარგულება გამოსცა

2015-05-07 13:33:12, 478 ნახვა

პოლიტიკა

საქართველოს პრეზიდენტმა გიორგი მარგველაშვილმა პარლამენტის რიგგარეშე სხდომის მოწვევის თაობაზე განკარგულება გამოსცა.

როგორც „ექსპრესნიუსს“ პრეზიდენტის ადმინისტრაციიდან აცნობეს, საქართველოს პრეზიდენტმა გამოსცა განკარგულება, რომლის საფუძველზეც, საქართველოს კონსტიტუციის 61-ე მუხლის მე-2 პუნქტის შესაბამისად, საქართველოს პრეზიდენტმა მოიწვია საქართველოს პარლამენტის რიგგარეშე სხდომა 2015 წლის 8 მაისის 13:00 საათიდან.

სხდომაზე დეპუტატები, მინისტრების პოსტებზე დანიშნულ თინა ხიდაშელსა და გიგლა აგულაშვილს პარლამენტის წევრის უფლებამოსილებას შეუწყვეტენ, შემდეგ კი, მთავრობის განახლებულ შემადგენლობას ნდობას გამოუცხადებენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან