სოფლის მეურნეობის მინისტრის ლევან დავითაშვილოს ინფორმაციით, დეკემბერში, საქართველოში ევროპელი, ამერიკელი და აზიელი მეცნიერების მონაწილეობით შეკრება გაიმართება, სადაც 2018 წელს აზიურ ფაროსანასთან ბრძოლის საბოლოო გეგმაზე შეჯერდებიან.

როგორც მინისტრმა განმარტა, ვინაიდან ახლა ზამთრის პერიოდია, ღონისძიებების გატარება შედეგს არ მოიტანს.

"ფაროსანასთან ბრძოლა ზამთარში ვერ განხორციელდება, რადგან ეს არის მიძინებული პერიოდი და ფიზიკურად მისი მიკვლევა შეუძლებელია. ფაროსანასთან საბრძოლველად სამინისტრო ყოველდღიურად მუშაობს. მომავალი სეზონისთვის ჩვენთან იქნებიან დონორები. ასევე ძალიან მნიშვნელოვანია მიმართულება, რომელსაც გავაძლიერებთ, ეს არის ზოგადად სამეცნიერო მიმართულება, მათ შორის, ბიოლოგიური კონტროლის გახორციელების შესაძლებლობის შესწავლა და ამ მხრივ ლაბორატორიული პოტენციალის გაზრდა. ეს არის პირველი ამოცანა სოფლის მეურნეობის სამინისტროსი, 2016 და 2017 წელს ჩვენთან ერთად ჩართული იყვნენ გეგმის შემუშავებაში უცხოელი წამყვანი ექსპერტები და მათთან ახლაც რეგულარულად ვმუშაობთ", - განაცხადა დავითაშვილმა და დასძინა, რომ უცხოელი მეცნიერების შეხვედრა დეკემბრის დასაწყისში გაიმართება.

ავტორი: ,

სოციალური ქსელები

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა

ლელო აშშ-ის სახელმწიფო დეპარტამენტის დელეგატებთან შეხვედრის შესახებ: „ჩვენი პოზიციები ძირითადად ემთხვევა“