ამ დროისთვის შსს-ს წლიური საბიუჯეტო სახსრების 99%, თავდაცვის სამინისტროსა და სუს-ს კი, 92-92% აქვთ ათვისებული

2017-11-08 18:13:47, 2141 ნახვა

ეკონომიკა

მიმდინარე წლის ცხრა თვის მონაცემებით, სახელმწიფო ბიუჯეტის ათვისების ნაწილში თავდაცვის სამინისტრომ - 92%, შინაგან საქმეთა სამინისტრომ - 99%, სახელმწიფო უსაფრთხოების სამსახურმა - 92% და დაზვერვის დეპარტამენტმა - 90.2% შეადგინა.

აღნიშნული ინფორმაცია ფინანსთა მინისტრის მოადგილემ, გიორგი კაკაურიძემ თავდაცვისა და უშიშროების სხდომაზე წარმოადგინა, რომელზეც 2017 წლის სახელმწიფო ბიუჯეტის 9 თვის შესრულების შედეგების ანგარიში იქნა განხილული.

მინისტრის მოადგილემ კომიტეტის წევრებს საანგარიშო პერიოდის ფინანსური და მაკროეკონომიკური პარამეტრები გააცნო და როგორც შემოსავლებზე, ასევე მათ ხარჯვით ნაწილზე დეტალურად ისაუბრა. მისი ინფორმაციით, ცხრა თვის მონაცემებით მთლიანი შიდა პროდუქტის საშუალო რეალურმა ზრდამ, წინა წლის შესაბამის პერიოდთან შედარებით 4.7% შეადგინა, წლიური დამტკიცებული ბიუჯეტის 74.6 %-ით შესრულდა ბიუჯეტის გადასახადების ნაწილი, ხოლო ხარჯვითი ნაწილის შესრულებამ წლიური დამტკიცებული მაჩვენებლის მიხედვით 75.5% შეადგინა. რაც შეეხება შემოსულობების მაჩვენებლებს - 9 თვის მონაცემებით იგი 7,186, 235,9 ლარს შეადგენს, რაც პროგნოზირებული მაჩვენებლის 104.8%. ასევე დაგეგმილზე მაღალი მაჩვენებლებია როგორც გადასახადების შესრულების ნაწილში, ასევე გრანტების და სხვა შემოსავლების კუთხითაც.

თავდაცვისა და უშიშროების კომიტეტმა კენჭისყრის შედეგად, ბიუჯეტის 9 თვის შესრულების ანგარიში დადებითად შეაფასა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები