2017-10-30 21:12:38, 2379 ნახვა

---

მოქალაქის მტკიცებით, „სალვუს დეველოპმენტის“ დამფუძნებელი იარაღით ემუქრებოდა–კომპანიის მფლობელი დაკავებულია

კომპანია „სალვუს დეველოპმენტის“ სათაო ოფისში სამართალდამცველები იარაღს ეძებენ. ინფორმაციას „რუსთავი2“ ავრცელებს.

სამართალდამცავი უწყების წარმომადგენლები კომპანიაში, ასევე  კომპანიის მფლობელის გიორგი სოზაშვილის საცხოვრებელ სახლში დღეს მომხდარი ინცინდენტის შემდეგ შევიდნენ.

კერძოდ, "კურიერის" ინფორმაციით, დღეს დილით 10–ზე მეტი მოქალაქე "სალვუსის" ოფისში მივიდა, რათა გაერკვია, რატომ შეჩერდა გაბრიელ სალოსის ქუჩაზე მდებარე ობიექტის მშენებლობა. საუბარი კონფლიქტში გადაიზარდა,

მოქალაქის მტკიცებით, „სალვუს დეველოპმენტის“ დამფუძნებელი მას იარაღის გამოყენებით ემუქრებოდა. აღნიშნული მოქალაქე   პროკურორ ბექა ეჟიშვილის ძმაა.

კომპანიის მფლობელი გიორგი სოზაშვილი პოლიციელებმა დააკავეს.

თავად კომპანიაში კი აღნიშნავენ, რომ ხელშეკრულების თანახმად, გაბრიელ სალოსის ქუჩაზე კორპუსს მშენებლობა 2018 წლის დეკემბერში უნდა დასრულდეს და  კომპანიას ვადები არ დაურღვევია.

ამ დროისთვის კომპანიის ოფისში სამართალდამცველები არიან მობილიზებული და შესაბამისი საგამოძიებო მოქმედებები მიმდინარეობს.

---

ავტორი: ,

---

დღის თემა

მთავარი თემა

ინტერვიუ - ექსკლუზივი