ამერიკის შეერთებული შტატების პრეზიდენტის დონალდ ტრამპის რეიტინგი მისი მმართველობის ერთი წლის თავზე საგრძნობლად დაეცა, - ამის შესახებ NBC იუწყება.

მედია საშუალების ინფორმაციით, კვლევა ტელეკომპანია NBC-ის და Wall Street Journal-ის დაკვეთით ჩატარდა.

როგორც მედია წერს, ასეთი დაბალი რეიტინგი ტრამპს ჯერ არ ჰქონია, თუმცა აქვე აღნიშნავს, რომ ტრამპის მმართველობით მოსახლეობა მანამდეც იყო უკმაყოფილო.

კვლევის თანახმად, ამერიკის გამოკითხული მოსახლეობის 58% რესპუბლიკელი პრეზიდენტის პოლიტიკით უკმაყოფილოა. ამასთან, ტრამპს გამოკითხულთა მხოლოდ 38% ენდობა.

გარდა ამისა, მედია საშუალებებმა კიდევ ერთი კვლევა ჩაატარეს, რომელიც უშუალოდ ტრამპის პიროვნებას ეხება. რეიტინგის მიხედვით, გამოკითხულთა 54% ტრამპი პიროვნულად არ მოსწონს, ხოლო 36% მას დადებითად აფასებს.

ცნობისთვის, ამავე მედია საშუალებებმა კვლევები ჩაატარეს ჯორჯ ბუშის, ბარაკ ობამას და ბილ კლინტონის მმართველობის დროს. ბუშის რეიტინგი მისი პრეზიდენტობის პირველ წელს 88% იყო, ბარაკ ობამასი 51%, ხოლო კლინტონის 47%.

კვლევა 23-26 ოქტომბერს ჩატარდა და ამერიკის 900 მოქალაქე გამოიკითხა.

აღსანიშნავია, რომ ტრამპის რეიტინგი 45%-მდე ივლისი-აგვისტოს პერიოდში გაიზარდა, როდესაც ქვეყანა სტიქიას ებრძოდა.

ავტორი: ,

სოციალური ქსელები

ჩეხეთის პრეზიდენტმა რუსეთს ინტერნეტთან კავშირის გათიშვა შესთავაზა.

დიუშენის კუნთოვანი დისტროფიის მქონე ბავშვების დასახმარებლად უკვე 1 300 000 ლარი შეგროვდა - მარათონი გრძელდება

26 მაისს დაგეგმილ დიდ საპროტესტო აქციას სტუდენტებიც უერთდებიან

NYT: ტრამპის ადმინისტრაცია ისრაელს ირანთან მოლაპარაკებებში გვერდზე უდგას