საქართველოს ყოფილი პრეზიდენტი მიხეილ სააკაშვილი უკრაინის დედაქალაქში იმყოფება. შესაბამის ვიდეოს ექს გუბერნატორი Facebook-ის საკუთარ გვერდზე ავრცელებს.

სააკაშვილთან ერთად კიევსი მისი თანამოაზრეები იმყოფებიან. ყოფილი პრეზიდენტი ბრიფინგს უკრაინის პრეზიდენტის ადმინისტრაციასთან მართავს ბრიფინგს.

"თუ ისინი დოკუმენტს არ მომცემენ, ადამიანის უფლებათა ევროპულ სასამართლოს მივმართავ. არაფრის მეშინია და ბრძოლას გავაგრძელებ. პოროშენკოსთან პირადი კონფლიქტი არ მაქვს. მთავარი პრობლემა ოლიგარქებს უკავშირდება, რომელთაც ქვეყანა გაანადგურეს. ხალხისთვის ვიბრძვი. წარმოიდგინეთ, ჩემს გვერდით არიან დეპუტატები და მსოფლიო ლიდერები, თუ მე ასე მექცევიან, ჩვეულებრივ მოქალაქეებს როგორ მოექცევიან", - განაცხადა სააკაშვილმა.

სააკაშვილის თქმით, ხვალ ის დნეპრში გაემგზავრება და დასძინა, რომ ადგილობრივი ხელისუფლება კონტრაქციისთვის ემზადება.

გარდა ამისა, ყოფილმა პრეზიდენტმა აღნიშნა, რომ კიევს დღეს სარამოს დატოვებს.

"უკრაინის ცენტრში, ჩერკასის ოლქში დავბინავდები და იქიდან გავაგრძელებ ქვეყნის რეგიონებში ვიზიტს", - განაცხადა სააკაშვილმა.

ცნობისთვის, მანამდე საქართველოს მესამე პრეზიდენტმა უკრაინაში ტურნე მოაწყო და ქვეყნის რამდენიმე რეგიონში ჩავიდა, სადაც მხარდამჭერებს ხვდებოდა. 

ავტორი: ,

სოციალური ქსელები

ზელენსკი: უკრაინის ყოფნა ევროკავშირში სრულფასოვანი უნდა იყოს

ივანკა ტრამპზე თავდასხმის მომზადების ბრალდებით ირანის IRGC-ს გაწვრთნილი ტერორისტი დააკავეს

სუს-ის უფროსის ყოფილ მოადგილეს, ლევან ახობაძეს პატიმრობა შეეფარდა

სუს-ის თანამშრომელი საკუთარ ავტომანქანაში, თავისივე ცეცხლსასროლი იარაღით მიყენებული ჭრილობით გარდაცვლილი იპოვეს