"ხმაურის შესახებ კანონი" ძალაში დღეიდან შევიდა. 

კერძოდ კი, ”ადმინისტრაციულ სამართალდარღვევათა კოდექსში” განხორციელებული ცვლილებების თანახმად, აკუსტიკური ხმაურის დასაშვები ნორმების გადამეტება და ღამის საათებში პიროტექნიკის გამოყენება ადმინისტრაციული წესით დასჯადი გახდა.

დარღვევის შემთხვევაში პირველ ჯერზე ფიზიკური და იურიდიული პირის გაფრთხილება მოხდება, ხოლო შემდეგ შემთხვევაში მათ ჯარიმა დაეკისრებათ- ფიზიკურ პირს 150, იურიდიულ პირს 500 ლარის ოდენობით. 

ერთი წლის განმავლობაში შემთხვევის განმეორება სანქციის გაორმაგებას ითვალისწინებს და შესაბამისად 300 და 1000 ლარი გახდება. რაც შეეხება პიროტექნიკას, მისი გამოყენება კანონით არის დადგენილი და მისი გამოყენება არ იზღუდება 31 დეკემბრიდან 2 იანვრის ჩათვლით, 13 იანვრიდან 14 იანვრის ჩათვლით, ასევე 9 აპრილსა და 26 მაისს. ამასთან, გამოყენების შემთხვევაში გაფრთხილება არ არსებობს და პირი თავიდანვე დაჯარიმდება. ხმაურის შემთხვევაში მოქალაქემ 112 უნდა დარეკოს.

თავდაპირველად კანონის აღსრულების ვალდებულება შინაგან საქმეთა სამინისტროს დაეკისრება.

პარლამენტმა ხმაურის შესახებ კანონი 28 ივნისს დაამტკიცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსული ელიტა იმედგაცრუებულია პუტინით, მისი ომით, ინტერნეტ ბლოკადებითა და ეკონომიკური დაცემით გამო

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები