10 ივნისიდან - 10 სექტემბრის ჩათვლით,ყაზახეთის დედაქალაქ ასტანაში  საერთაშორისო გამოფენა Expo 2017მიმდინარეობს.

ეკონომიკისა და მდგრადი განვითარების სამინისტროს ინფორმაციით, საერთაშორისო გამოფენის ძირითადი თემატიკაა „მომავლის ენერგია.“

უწყების ინფორმაციით, გამოფენა  მიზნად ისახავს მსოფლიოს მასშტაბით სხვადასხვა ქვეყნების, არასამთავრობო ორგანიზაციებს, კომპანიებისა და საზოგადოების ჩართულობას  საკითხზე თუ "როგორ უზრუნველვყოთ ენერგორესურსების უსაფრთხო და მდგრადი ხელმისაწვდომობა  CO2- ის ემისიების შემცირებისას."

ეკონომიკისა და მდგრადი განვითარების სამინისტროს სსიპ „აწარმოე საქართველოში“ მხარდაჭერით, გამოფენაში მონაწილეობა მიიღო კომპანიამ „პანექსი“, რომელიც ენერგოეფექტურ სამშენებლო მასალებს, კერძოდ კი სენდვიჩპანელებს აწარმოებს.

 საერთო ჯამში კი გამოფენაზე საქართველოსთან ერთად, ჯამში 100-ზე მეტი ქვეყნის წარმომადგენელი მონაწილეობს.

გამოფენის ფარგლებში,სააგენტოს „აწარმოე საქართველოში“ ექსპორტიორთა ხელშეწყობის დეპარტამენტის წარმომადგენელმა ცოტნე ამაშუკელმა  შეხვედრა გამართა  როგორც ყაზახეთის, ასევე სხვადასხვა ქვეყნის ბიზნეს წრეებთან.

დაინტერესებულ პირებს  სააგენტოს „აწარმოე საქართველოში“ პროგრამები წარუდგინა და გააცნო ყველა ის მექანიზმი, რომლითაც სახელმწიფო კერძო სექტორის წარმომადგენლებს ეხმარება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ირანი დათანხმდა გამდიდრებული ურანი ჩინეთში გაიტანოს

ლავროვმა რუბიოს ოფიციალურად აცნობა კიევზე მოსალოდნელი დარტყმების შესახებ

მოსკოვმა საქართველოში "რუსოფობიის მონიტორინგის საბჭო" შექმნა, რომელიც მოქალაქეებს უთვალთვალებს

მოსკოვმა კიევზე ახალი დარტყმების განხორციელების შესახებ განაცხადა და უცხოელებს ქალაქის დატოვებისკენ მოუწოდა