ციხელაშვილი ოკუპირებულ აფხაზეთში პუტინის ვიზიტზე: ეს არის განგრძობადი ოკუპაცია და ფაქტობრივი ანექსიის მცდელობა

2017-08-02 10:09:31, 2503 ნახვა

პოლიტიკა კომენტარი

შერიგებისა და სამოქალაქო თანასწორობის საკითხებში საქართველოს სახელმწიფო მინისტრი, ქეთევან ციხელაშვილი, ოკუპირებულ აფხაზეთში რუსეთის პრეზიდენტ ვლადიმერ პუტინის დაგეგმილ ვიზიტს ოკუპაციის გაგრძელებად და პროვოკაციულ ქმედებად აფასებს.

”გარკვეულ საპასუხო პროვოკაციულ ქმედებებს აქვს ადგილი. ალბათ ეს ვიზიტიც სწორედ ამ რანგში შეიძლება განვიხილოთ. ეს ჯდება ერთიან სურათში - ეს არის განგრძობადი ოკუპაცია. ეს არის ფაქტობრივი ანექსიის მცდელობა რუსეთის მხრიდან და ჩვენი ამოცანაა, რომ ნებისმიერი ამ პროვოკაციის ნიველირება მოვახდინოთ. ჩვენი ამოცანაა, შევინარჩუნოთ მშვიდობა, რაც ქვეყნისთვის სასიცოცხლოდ მნიშვნელოვანი ამოცანაა”, - განაცხადა ქეთევან ციხელაშვილმა.

ცნობისთვის, რუსული მედიის ინფორმაციით, 8 აგვისტოს რუსეთის ფედერაციის პრეზიდენტი ვლადიმერ პუტინი ოკუპირებულ აფხაზეთში ჩასვლას გეგმავს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან