საქართველოს შინაგან საქმეთა მინისტრი, გიორგი მღებრიშვილი ბულგარეთის რესპუბლიკის შინაგან საქმეთა მინისტრს, ვალენტინ რადევს შეხვდა.

საქართველოს შს მინისტრმა ბულგარელ კოლეგას უწყებაში მიმდინარე რეფორმები,  განხორციელებული პროექტები და  დაგეგმილი სიახლეები გააცნო.

ბულგარეთის შს მინისტრის განსაკუთრებული ინტერესი საქართველოს შსს-ს მაღალტექნოლოგიურმა და მულტიფუნქციურმა ერთობლივი ოპერაციების ცენტრმა გამოიწვია და ამ მიმართულებით ქართული მხარის გამოცდილების გაზიარების სურვილი გამოთქვა.

მხარეებმა ორ ქვეყანას შორის სასაზღვრო უსაფრთხოების საკითხებში თანამშრომლობის განვითარების შესახებ იმსჯელეს და რეგიონულ ფორმატებში პარტნიორული ურთიერთობის გაღრმავების პრიორიტეტები განიხილეს.

გიორგი მღებრიშვილმა ბულგარეთის შს მინისტრს ორგანიზებულ დანაშაულთან ბრძოლის ერთობლივი სამუშაო ჯგუფის შექმნის წინადადებაც შესთავაზა. მსგავსი სამუშაო ჯგუფები საქართველოს შს სამინისტროს უკვე შექმნილი აქვს ევროკავშირის 11 წევრი ქვეყნის სამართალდამცავ ორგანოებთან ერთად.

შეხვედრაზე ვალენტინ რადევმა ხაზგასმით აღნიშნა, რომ ბულგარეთი აგრძელებს საქართველოს მტკიცე მხარდაჭერას ევროპული და ევროატლანტიკური ინტეგრაციის გზაზე.

ბულგარეთის შს მინისტრმა საქართველოს შს მინისტრი ოფიციალური ვიზიტით სოფიაში მიიწვია და მისგან საპასუხო მიწვევა მიიღო.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა ლუკაშენკოსთან მოლაპარაკებები გამართა და ბელორუსიის ომში ჩართვის „რისკების“ შესახებ გააფრთხილა

კანის კინოფესტივალის გრან-პრის მფლობელმა რეჟისორმა ზვიაგინცევმა პუტინს უკრაინაში ომის დასრულებისკენ მოუწოდა.

ევროპული კინოს ტრიუმფი კრუაზეტზე: კანის 2026 წლის ფესტივალის შედეგები

ზელენსკიმ კიევში დარტყმის ადგილები მოინახულა