ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრ დავით ბაქრაძის განცხადებით, ათონელის რეზიდენციის საკითხი განსახილველად მთავრობის სხდომაზე არ გაუტანიათ. ამის შესახებ ბაქრაძემ  ჟრუნალსიტებს განუცხადა.

მისივე  თქმით,  ათონელის რეზიდენციის თემა იმ კონტექსტში გაჟღერდა, რომ იქ მიმდინარე სარემონტო სამუშაოები დასრულდა, რომელშიც, თავის დროზე, პრეზიდენტის ადმინისტრაცია იყო ჩართული.

დავით ბაქრაძის განმარტებით, ათონელის რეზიდენციის სტატუსი, იმ მხარის გადასაწყვეტია, ვინც რეზიდენციაში საქმიანობას გააგრძელებს.

„სხდომის დღის წესრიგი არ მიმიღია. შესაბამისად, ჩემს მოსაზრებას იმასთან დაკავშირებით რაც უნდა განხორციელდეს, არანაირი კავშირი არ გააჩნია. ეს ჩემი, ან ვინმე სხვისი გადასწყვეტი არ არის. უბრალოდ საკითხი როდესაც გაჟღერდა, გაჟღერდა იმ კონტექსტში, რომ დასრულდა ის სამუშაოები, რომელშიც თავის დროზე პრეზიდენტის ადმინისტრაცია იყო ჩართული. შესაბამისად, დასრულდა სამუშაო და გადასაწყვეტია სწორედ იმ მხარის, ვინც უნდა გააგრძელოს იქ საქმიანობა. საკითხი მთავრობის სხდომაზე არ გამოსულა“, - განაცხადა დავით ბაქრაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები