შსს-მ ვარკეთილში არასრულწლოვნების მიმართ გარყვნილი ქმედების ფაქტზე გამოძიება დაიწყო

2017-07-04 12:06:39, 2384 ნახვა

სამართალი

შინაგან საქმეთა სამინისტრომ, „იმედის დილა"-ში გასული სიუჟეტის შემდეგ, რომელიც უცხო ქვეყნის მოქალაქეების მიერ არასრულწლოვნების მიმართ გარყვნილ ქმედებას შეეხებოდა, გამოძიება დაიწყო.

ტელეკომპანიის ცნობით, ვარკეთილში უცხო ქვეყნის მოქალაქეებმა 5 მოზარდი სახლში მოტყუებით შეიყვანეს, გააშიშვლეს და მათ ფოტოები გადაუღეს. აღნიშნული მას შემდეგ გახდა ცნობილი, რაც არასრულწლოვნებმა მომხდარის შესახებ მშობლებს უამბეს.

შსს-ს ინფორმაციით, გამოძიება სისხლის სამართლის კოდექსის 141-ე მუხლით მიმდინარეობს, რაც გულისხმობს ძალადობის გარეშე გარყვნილ ქმედებას დამნაშავისათვის წინასწარი შეცნობით თექვსმეტი წლის ასაკს მიუღწეველთან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან