2017-07-03 14:15:25, 2552 ნახვა

---

ერაყში ქალის ტანსაცმელში გადაცმულმა ტერორისტმა თავი აიფეთქა - დაიღუპა 13 დევნილი და ერთი პოლიციელი

ერაყში ქალის ტანსაცმელში გადაცმულმა თვითმკვლელმა ტერორისტმა 14 დევნილი მოკლა, - ამის შესახებ გამოცემა The Independent წერს.

მედია საშუალების ინფორმაციით, აფეთქება ბაღდადში მდებარე იძულებით გადაადგილებულ პირთა ბანაკში მოხდა, რომელსაც „ისლამური სახელწმიფოს“ ტყვეობიდან გაქცეული ერაყელები აფარებენ თავს.

როგორც მედია წერს, თავდასხმის დროს ასევე ერთი პოლიციელი დაიღუპა. კერძოდ კი, ტერორისტმა ასაფეთქებელი მოწყობილობა მაშინ აამოქმედა, როდესაც მასთან პოლიციელი მივიდა.

მედიის ცნობით, აფეთქების შემდეგ 20 ადამიანი დაშავდა.

მომხდარზე პასუხისმგებლობა ჯერჯერობით არც ერთ ტერორისტულ დაჯგუფებას არ აუღია. ამასთან, სამართალდამცველები ვარაუდობენ, რომ თავდასხმა "ისლამური სახელლმწიფოს" ორგანიზებით მოხდა, რადგან დაჯგუფება ქვეყნის მასშტაბით ტერიტორიებს კარგავს და ერაყის სამხედრო ძალები ტერორისტებისგან გაწმენდის ოპერაციას წარმატებით ასრულებენ. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი