ვერეს ხეობაში ავარიისას დაშავებულებიდან ერთი პირი გარდაიცვალა

2017-06-13 18:26:31, 2233 ნახვა

სამართალი

ვერეს ხეობაში მომხდარი ავარიის შედეგად დაშავებულებიდან ერთი საავადმყოფოში გარდაიცვალა.

როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მდინარე ვერეს ხეობაში მსუბუქი ავტომობილი გზის სავალი ნაწილიდან გადავარდა. შედეგად, ოთხი ადამიანი დაშავდა, რომელთაგან სამი საავადმყოფოში მკურნალობას გადის.

უწყების ინფორმაციით, გამოძიება სისხლის სამართლის კოდექსის 276-ე მუხლის პირველი ნაწილით დაიწყო, რაც გულისხმობს ტრანსპორტის მოძრაობის უსაფრთხოების, ან ექსპლუატაციის წესის დარღვევას, რამაც ჯანმრთელობის ნაკლებად მძიმე დაზიანება გამოიწვია.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან