საქართველოს პრეზიდენტმა გიორგი მარგველაშვილმა ლატვიის უნივერსიტეტის აკადემიური ბიბლიოთეკის დირექტორი ვენტა კოცერე საქართველოსა და ლატვიის  რესპუბლიკას  შორის  მეგობრული  ურთიერთობის გაღრმავებისა და ქართული კულტურის პოპულარიზაციის  საქმეში  შეტანილი  პირადი  წვლილისათვის, ღირსების ორდენით დააჯილდოვა.

როგორც გიორგი მარგველაშვილმა განაცხადა, საქართველო დიდად აფასებს იმ საქმიანობას, რომელსაც ლატვიის უნივერსიტეტის აკადემიური ბიბლიოთეკა და მისი დირექტორი ახორციელებს ქვეყნებს შორის კულტურული ურთიერთობების გაღრმავების მხრივ.

ქვეყნის პირველმა პირმა ლატვიის უნივერსიტეტის აკადემიურ ბიბლიოთეკაში არსებული  ქართული საინფორმაციო ცენტრი დაათვალიერა, რომელიც გასულ წელს გაიხსნა.  საქართველოს პრეზიდენტმა საგანმანათლებლო ცენტრს ქართული ლიტერატურული გამოცემები გადასცა.

გიორგი მარგველაშვილმა ბიბლიოთეკაში  გამოფენილი ქართველი მხატვრის ნუგზარ პაქსაძის ნახატებიც დაათვალიერა.

ვენტა კოცერეს დაჯილდოების ცერემონიას  რიგაში მცხოვრები ქართული დიასპორის წარმომადგენლები და ქართული დელეგაციის წევრებიც დაესწრნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ჩვენთვის კონკრეტულად ბატონი ფიშერი საერთოდ არ არის ევროპელი

კობახიძე: ჩვენ გვინდა სხვანაირი ევროკავშირი

შსს: ჩოხატაურში ერთი პირი დაჭრეს, ის გარდაიცვალა - პოლიციამ 1 პირი დააკავა

Reuters: უკრაინული დრონების დარტყმების შედეგად რუსეთის ცენტრალურ ნაწილში თითქმის ყველა ნავთობგადამამუშავებელმა ქარხანამ მუშაობა შეაჩერა