ქურთული სამხედრო შენაერთებისა და ამერიკის შეერთებული შტატების კოალიციის ალყის მიუხედავად, ტერორისტული ორგანიზაცია “ისლამური სახელმწიფოს” მებრძოლები სირიის ქალაქ რაქას ტოვებენ და მდინარე ევფრატზე გადადიან, - ამის შესახებ "რია-ნოვოსტი" რუსეთის თავდაცვის სამინისტროზე დაყრდნობით იუწყება.

მედია საშუალების ინფორმაციით, რუსეთის თავდაცვის უწყება სირიის დემოკრატიულ ძალებსა და საერთაშორისო კოალიციას რაქას ვირტუალურ ბლოკირებაში ადანაშაულებს. 

როგორც ოფიციალურ მოსკოვში განაცხადეს, საჰაერო-კოსმოსურმა ძალებმა რაქადან პალმირას მიმართულებით ისლამისტების გადაადგილების ორი მცდელობა აღკვეთეს. 

საჰაერო იერიშების შედეგად 80 ისლამისტი მებრძოლი, 36 ავტომობილი, 8 საწვავის და 17 იარაღის გადამტანი ავტომანქანა, განადგურდა. 

გავრცელებული ცნობით, სამმა ავტოკოლონამ ღამის სიბნელით ისარგებლა, რაქას დატოვება მაინც მოახერხა და სამხრეთის მიმართულებით წავიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტური ეთიკის ქარტია რეჟიმს - შეწყდეს რეპრესიები, სოლიდარობა დამოუკიდებელ მედიას

დიუშენით დაავადებული ბავშვების დასახმარებელ მარათონში კომპანიები ჩაერთნენ

რუბიომ განაცხადა, რომ აშშ-ს, უკრაინასა და რუსეთს შორის მოლაპარაკებები ჩიხში შევიდა

რუსეთში იპოთეკური სესხები 50%-ზე მეტით შემცირდა