შსს პოლიციელის პროფესიულ დღეს აღნიშნავს

2017-05-31 11:18:38, 2285 ნახვა

სამართალი

საქართველოში დღეს პოლიციელის პროფესიული დღე აღინიშნება.

პოლიციელის დღესთან დაკავშირებით, შსს-ს ადმინისტრაციული შენობის მიმდებარე ტერიტორიაზე საზეიმო ღონისძიება მიმდინარეობს.

ღონისძიებას საქართველოს პრემიერ-მინისტრი, საქართველოს შინაგან საქმეთა მინისტრი, საქართველოს მთავრობისა და პარლამენტის წევრები, სპეციალურად ამ დღისთვის ჩამოსული მაღალი რანგის სტუმრები და დელეგაციები, ასევე, დიპლომატიური კორპუსის წარმომადგენლები ესწრებიან.

ამასთან, საზეიმო ღონისძიებაზე შინაგან საქმეთა სამინისტროს სხვადასხვა სტრუქტურულმა დანაყოფმა პირადი შემადგენლობა, ტექნიკა და შესაბამისი აღჭურვილობა წარმოადგინა.

ღონისძიების ოფიციალური ნაწილის დასასრულს დამსწრე საზოგადოების წინაშე ანსამბლები - „მძლევარი“, „ირაო“ და ქართული ნაციონალური ბალეტი „სუხიშვილები“ წარდგებიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან