საქართველოს პრეზიდენტის საპარლამენტო მდივანმა ანა დოლიძემ ,,ციანიდის საქმესთან“ დაკავშირებულ სასამართლო სხდომაზე სახალხო დამცველის არდაშვება სახალხო დამცველის კონსტიტუციური უფლების შეზღუდვად და დარღვევად შეაფასა.

"სახალხო დამცველის კონსტიტუციური ვალდებულებაა, რომ დაიცვას მოქალაქეთა უფლებები, აქედან გამომდინარე მას აქვს ძალიან მნიშვნელოვანი უფლებები. როცა სასამართლო სხდომაზე ირღვევა სახალხო დამცველის უფლება, ეს ძალიან სერიოზულ კითხვას აჩენს, კონკრეტულად ამ საქმესთან დაკავშირებით, ისევე, როგორც სასამართლო ხელისუფლების მუშაობის საჯაროობასთან და გამჭვირვალობასთან დაკავშირებით“, - განაცხადა ანა დოლიძემ.

შეგახსენებთ, საქართველოს სახალხო დამცველი დღეს თბილისის საქალაქო სასამართლოში ე.წ. „ციანიდის საქმის“ პროცესზე დასწრების მიზნით იმყოფებოდა. საქმის განმხილველმა მოსამართლემ სახალხო დამცველს არ მისცა შესაძლებლობა, დასწრებოდა აღნიშნულ სხდომას. ნანუაშვილის თქმით, მოსამართლის არგუმენტი იყო, რომ საპროცესო კანონმდებლობა სახელდებით არ შეიცავს ნორმას დახურულ პროცესზე სახალხო დამცველის დასწრების შესახებ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტური ეთიკის ქარტია რეჟიმს - შეწყდეს რეპრესიები, სოლიდარობა დამოუკიდებელ მედიას

დიუშენით დაავადებული ბავშვების დასახმარებელ მარათონში კომპანიები ჩაერთნენ

რუბიომ განაცხადა, რომ აშშ-ს, უკრაინასა და რუსეთს შორის მოლაპარაკებები ჩიხში შევიდა

რუსეთში იპოთეკური სესხები 50%-ზე მეტით შემცირდა