საქართველოს ბიზნესასოციაციის წევრი კომპანიების წარმომადგენლები პარლამენტის თავმჯდომარეს ირაკლი კობახიძეს ხვდებიან.

როგორც საქართველოს ბიზნესასოციაციის პრეზიდენტმა, გიორგი ჭირაქაძემ ჟურნალისტებს შეხვედრის დაწყებამდე განუცხადა, შეხვედრაზე  კონსტიტუციასთან და იმ   კანონებთან დაკავშირებით ისაუბრებენ, რომელიც  ბიზნესს აწუხებს. ჭირაქაძე ამბობს, რომ ასეთი კანონი ბევრია.

"ძალიან ბევრი საკითხი იქნება, რომელზეც არ მინდა წინასწარ ვთქვა. მთავარი ჩვენი მიზანი არის, რომ პარლამენტის თავმჯდომარესთან თანამშრომლობაზე შევთანხმდეთ, დავანახოთ, რომ ბიზნესის ჩართულობა ძალიან მნიშვნელოვანია.  მათ შორის არის კანონი, რომელიც ეხება მიწის გასხვისების თემას. ჩვენ ძალიან მკაფიო პოზიცია გვაქვს აქ, რომ მიწასთან დაკავშირებით ძალიან ფრთხილად უნდა მოეკიდოს ხელისუფლება. ჩემი აზრით, ძალიან მნიშვნელოვანია, მიწის გასხვისება შენარჩუნდეს უცხოელებთან დაკავშირებით. რაღაც რეგულაციები შეიძლება იყოს, მაგრამ რა რეგულაციები იქნება, ამასთან დაკავშირებით ჩვენ წინასწარ უნდა ვიცოდეთ, რომ პოზიციები დავაფიქსიროთ.  ხელისუფლებამ გადაწყვიტა კონსტიტუციაში არ ჩადონ ეს ფაქტი, რაც ძალიან სწორია“, - განაცხადა ჭირაქაძემ.

სასტუმრო "ბილტმორში" მიმდინარე შეხვედრა ბიზნესასოციაციის მიერაა ორგანიზებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე სინდისის პატიმრებზე - სადაც იქნება აღიარება და სინანული, იქ შესაბამისი ნაბიჯები გადაიდგმება

კობახიძის მტკიცებით, შეკრების გამართვა საქართველოში ყველას შეუძლია და ამ შემთხვევაში საუბარი იყო კონკრეტული აპარატურის განთავსებაზე

საქართველოში სამომხმარებლო ფასების ინფლაცია 2024 წლის 1%-დან 2025 წელს 3.9%-მდე გაიზარდა, ხოლო 2026 წლის აპრილში წინა წელთან შედარებით 5.9%-ს მიაღწია

კობახიძე ამტკიცებს, რომ ბიზნესი არის თავისუფალი და კორუფციისგან თავისუფლების კუთხით გვაქვს ძალიან მაღალი მაჩვენებელი