საქართველოს პრემიერ-მინისტრის გიორგი კვირიკაშვილის განცხადებით, დანაგვიანების მიმართულებით, ქვეყანაში კატასტროფუილი მდგომარეობაა. როგორც კვირიკაშვილმა მთავრობის სხდომის დაწყებამდე გაანცხადა, დანაგვიანების პრობლემის მოსაგვარებლად  მხოლოდ საინფორმაციო კამპანია საკმარისი არაა. პრემიერი სანქციებზე ამახვილებს ყურადღებას:

"დანაგვიანების პრობლემის მიმართულებით, პირდაპირ მინდა ვთქვა, რომ კატასტროფული სიტუაცია გვაქვს. ავტობანის მიმდებარე ტერიტორიებზე და არა მხოლოდ. სამწუხაროდ, მხოლოდ და მხოლოდ საინფორმაციო კამპანიით ვერ ვაღწევთ იმ შედეგს, რომ პოლიეთილენის პარკები, თუ სხვა ტიპის ნაგავი არ იყოს მიმოფენილი ჩვენი ქვეყნის ულამაზეს ლანდშაფტზე. ჩვენი მოქალაქეებიც წერენ, ტურისტებიც და ძალიან მძიმე პრობლემაა. ის კომბინირებულად, სანქციებით უნდა მოვაგვაროთ. ეს ჩვენი ღირსების საქმეა",-აღნიშნა გიორგი კვირიკაშვილმა.

ცნობისთვის, 3 აპრილს  დედაქალაქში, „თბილსერვის ჯგუფის“ ზედამხედველობის სამსახურის ქვეითი ინსპექტორები გამოჩნდნენ,  რომლებიც მათზე დაკისრებული უფლებამოსილების ფარგლებში, ფიზიკურ და იურიდიულ პირებს საყოფაცხოვრებო, თუ სხვა სახის ნარჩენის დაყრისთვის დააჯარიმებენ. 

პირველი ორი კვირის განმავლობაში, ინსპექტორების გამოჩენას მხოლოდ ინფორმაციული სახე ექნება, ისინი მოქალაქეებს მომავალ სანქციებთან დაკავშირებით გააფრთხილებენ და მათ მიერ დაყრილი ნარჩენის ურნაში ჩაყრისკენ მოუწოდებენ.

ამავე თემაზე

http://epn.ge/index.php?id=43083

http://epn.ge/index.php?id=43084

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო რეზიდენციაში ავტომობილით შეჭრილი მძღოლი - მე მირჩევნია მარტო ვიყო, არ მჭირდება ინტერესების დაცვა

მოქალაეებს ჯარიმის შესახებ ცრუ შეტყობინება ეგზავნებათ- საპატრულო პოლიცია გავფრთხილებას ავრცელებს

შსს-ს ადამიანის უფლებათა დაცვის დეპარტამენტს ცენზურის განხორციელებისთვის მონიტორინგი დაევალა

ფაშინიანი: საქართველო მნიშვნელოვან როლს ასრულებს სომხეთ-ევროპის ურთიერთობებში