ვიცე-პრემიერის კახა კალაძის განცხადებით, გია უდესიანი ადგილობრივ თვითმმართველობის არჩევნებზე „ქართული ოცნების“ საარჩევნო სიაში არ ყოფილა.

ამის შესახებ კალაძემ ჟურნალისტებს „ქართული ოცნების“ ოფისში, პოლიტსაბჭოს დაწყებამდე განუცხადა.

„რაც შეეხება უდესიანის ჩართულობას ადგილობრივ არჩევნებში სრული პარუსიხსმგებლობით ვაცხადებ, რომ ეს არ არის სწორი. განხილვაც კი არ ყოფილა უდესიანთან მიმართებაში, რომ ის უნდა ყოფილიყო სიაში ან პარტიასთან ერთად მიეღო მონაწილეობა არჩევნებში. მე შტაბის ხელმძღვანელი გახლდით, ჩართული ვიყავი ამ პროცესებში და სრული პასუხისმგებლობით ვაცხადებთ უდესიანის გვარი არც კი გაჟღერებულა“, - აღნიშნა კალაძემ.

რაც შეეხება ირაკლი შიხიაშვილის საარჩევნო სიაში ჩასმას, ვიცე-პრემიერი ინფორმაციით, ამაზე საუბარი იყო, თუმცა მისივე მტკიცებით, აღნიშნულის წინააღმდეგ წავიდა და მას პრემიერიც დაეთანხმა.

„შიხიაშვილს რაც შეეხება, მასთან მიმართებაშ იყო საუბარი, რომ პარტიაში ამა თუ იმ ფორმით მიეღო მონაწილეობა ადგილობრივ არჩევნებში, რაზეც მე ვიყავი წინააღმდეგი, პრემიერს მოვახსენე ამასთან დაკავშირებით და პრემიერიც დამეთანხმა და მიიღო შესაბამისი გადაწყვეტილება, რომ შიხიაშვილი არ ყოფილიყო სიაში. უდესიანის მიბმა ვფიქრობ, არ არის სწორი“, - განაცხადა კახა კალაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები