ალიბეგაშვილი: „ბავშვთა სამყაროს“ მოვაჭრეების ზარალს სახელმწიფო სრულად ვერ აანაზღაურებს

2017-03-16 10:36:47, 2039 ნახვა

საზოგადოება კომენტარი

თბილისის საკრებულოს თავმჯდომარის გიორგი ალიბეგაშვილის განცხადებით, „ბავშვთა სამყაროს“ მოვაჭრეებისთვის ხანძრის შედეგად მიყენებულ ზარალს სახელმწიფო სრულად ვერ აანაზღაურებს.

როგორც ალიბეგაშვილმა აღნიშნა, საქმე კერძო მესაკუთრესა და მოიჯარეებს შორის დავას ეხება, რა დროსაც მესაკუთრეს აქვს ვალდებულება, რომ ზარალი აანაზღაუროს. თუმცა მისივე თქმით, სახელმწიფოს მიერ ზარალის ანაზღაურებაზე საუბარი, შესაძლოა, სასამართლოს გადაწყვეტილების შემდეგ დაიწყოს.

რაც ეხება ერთჯერად კომპენსაციებს, ალიბეგაშვილის ინფორმაციით, თანხის ზუსტი ოდენობა უახლოეს დღეებში გახდება ცნობილი, ხოლო კომპენსაციების გაცემა მას შემდეგ დაიწყება, რაც დაზარალებულების სრული სია მიეწოდებათ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან