რეგიონული სასწრაფოს თანამშრომლებმა პერსონალური მონაცემების დაცვაზე ტრენინგი გაიარეს

2017-02-09 14:19:22, 1044 ნახვა

საზოგადოება

რეგიონული სასწრაფო სამედიცინო დახმარების ცენტრის თანამშრომლებმა პერსონალურ მონაცემთა დაცვის შესახებ ტრენინგი გაიარეს.

სწავლებაში ცენტრალური აპარატის ყველა დეპარტამენტიდან 80-მდე თანამშრომელი ჩაერთო.

ტრენინგზე ყურადღება პერსონალური ინფორმაციის დაცულობის მნიშვნელობაზე გამახვილდა. ინსპექტორის აპარატის წარმომადგენელმა ჯანდაცვის სისტემაში არსებულ განსაკუთრებულ პერსონალურ მონაცემთა დამუშავებაზე ისაუბრა.

ლექციის შემდეგ შეხვედრა დისკუსიის რეჟიმში გაგრძელდა. სასწრაფოს თანამშრომლებმა ტრენერთან ერთად პერსონალურ მონაცემებთან დაკავშირებული სხვადასხვა საკითხი განიხილეს.

ცნობისთვის, სასწავლო კურსი პერსონალური მონაცემების დაცვაზე ორიენტირებული სისტემის შექმნას ისახავს მიზნად.

ტრენინგი ჯანდაცვის სამინისტროს ეროვნულ სასწავლო ცენტრში ჩატარდა.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან