„ევროპული საქართველოს“ წევრის გიორგი ტუღუშის განცხადებით, სასამართლო რეფორმასთან დაკავშირებულ საკანონმდებლო პაკეტზე პრეზიდენტის მოტივირებული შენიშვნების  უდიდეს ნაწილს  სრულად იზიარებენ.

ამის შესახებ ტუღუშმა ჟურნალისტებს პრეზიდენტის სასახლეში განუცხადა, სადაც ვეტოს საკითხზე საპარლამენტო ფრაქციებთან შეხვედრა მიმდინარეობს.

"ჩვენ რამდენჯერმე განვაცხადეთ, რომ ის შენიშვნები, რომელიც წამოწეულია პრეზიდენტის ვეტოში, არის იმ შენიშვნათა ნაწილი, რომელიც ჩვენ გვქონდა ჯერ კიდევ საპარლამენტო განხილვების დროს. ის პრინციპული საკითხები, რომელიც უკავშირდება მოსამართლეთა სამწლიანი გამოსაცდელი ვადით გამწესებას, სასამართლოს თავმჯდომარეების ამ წესით დანიშვნას და რამდენიმე სხვა ასპექტს, არის სწორედ ის პრობლემები, რომელიც ჩვენ თავის დროზე დავინახეთ და ამაზე მივუთითეთ უმრავლესობას, რომელმაც მაშინ გადაწყვიტა, რომ ამ სახით, თუნდაც ვენეციის კომისიის დასკვნის საწინააღმდეგოდ მიეღო ეს კანონი.

ახლა ვნახოთ, რეალურად რა გამოვლინდება. იმედს ვიტოვებ, რომ არ მივიღებთ იმის მსგავს პროცესს, რომელიც წინა ვეტოსთან დაკავშირებით მოხდა, როდესაც საკითხი საკონსტიტუციო სასამართლოს კანონმდებლობას ეხებოდა. ვნახოთ, რეალურად როგორ წავა პროცესი, თუმცა რა თქმა უნდა, ვეტოში რა შენიშვნებიც არის მოყვანილი, მათ უდიდეს ნაწილს ჩვენ სრულად ვიზიარებთ",-განაცხადა ტუღუშმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები