ფრაქცია „ევროპული საქართველოს“ წევრმა ზურაბ ჭიაბერაშვილმა, იმ არგუმენტებზე ისაუბრა, რის გამოც მაჟორიტარული საარჩევნო სისტემის გაუქმებას ითხოვენ.

ჭიაბერაშვილის თქმით, დღეს არსებული საარჩევნო სისტემა უზრუნველყოფს იმას, რომ პარტიამ პარლამენტში უფრო მეტი ადგილი დაიკავოს, ვიდრე არჩევნებზე პროცენტულად ხმები მიიღო.

დეპუტატის შეფასებით, ქვეყანა უფრო სამართლიან საარჩევნო სისტემაზე უნდა გადავიდეს.

"არსებულ სისტემაში სწორედ მაჟორიტარულმა კომპონენტმა უზრუნველყო ის, რომ "ქართულმა ოცნებამ" მიიღო საკონსტიტუციო უმრავლესობა. ამის მანდატი მისთვის ქართველ ხალხს არ მიუცია. დღევანდელი სისტემა უზრუნველყოფს იმას, რომ პარტიამ პარლამენტში უფრო მეტი ადგილი დაიკავოს, ვიდრე ხმები მიიღო პროცენტულად არჩევნებზე. ეს უნდა შეიცვალოს და უფრო სამართლიან სისტემაზე უნდა გადავიდეთ, როდესაც რამდენ პროცენტსაც მიირებს პარტია, იმდენი პროცენტი ექნება ადგილებისა ექნება პარლამენტში", - აღნიშნა ზურაბ ჭიაბერაშვილმა.

კითხვაზე, მხარს უჭერენ თუ არა 5 პროცენტიანი საარჩევნო ბარიერის დაწევას, ჭიაბერაშვილმა ასე უპასუხა:

"ჩვენ ვლაპარაკობთ სამხარეო პროპორციულ სისტემაზე. როდესაც მხარეებში დგება პროპორციული სიები პარტიების მიერ, ბუნებრივია შენარჩუნდება საერთო ეროვნული ბარიერი. ამაზე წინადადება არ წარგვიდგენია. მოვისმენთ სხვა წინადადებებსაც და მოგახსენებთ ჩვენს პოზიციას", - განაცხადა ზურაბ ჭიაბერაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებული ძალების თავდასხმების გამო, პუტინმა რუსეთში საზოგადოებრივი გადაადგილება სრულად შეაჩერა

რუსეთში ვარდები და მიხაკები გაძვირდება სომხეთიდან ყვავილების იმპორტის აკრძალვის გამო

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები