2017-01-24 18:53:44, 968 ნახვა

---

„გადავარჩინოთ გია ცერცვაძის სიცოცხლე“ - ენმ-ის ორგანიზებით მიმდინარე აქციის მონაწილეებმა შსს-ს შენობასთან გზა გადაკეტეს

"გადავარჩინოთ გია ცერცვაძის სიცოცხლე", "პასუხი გაეცეს გია ცერცვაძის არარსუწლოვან შვილებს" - ამ შეძახილებით შინაგან საქმეთა სამინისტროსთან "ნაციონალური მოძრაობის" ორგანიზებული გია ცერცვაძის მხარდამჭერი აქცია მიმდინარეობს.

აქციის მონაწილეები მთავრობისგან პასუხს მოითხოვენ, თუ რატომ გადაეცა რუსეთის სპეცსამსახურებს გია ცერცვაძის შესახებ საიდუმლო ინფორმაცია. 

აქციის მონაწილეებმა შსს-ს შენობის მიმდებარე ტერიტორია გადაკეტეს. 

საპროტესტო აქციის ორგანიზატორები აცხადებენ, რომ ხელისუფლების წარმომადგენელთა განცხადებებმა დაადასტურა საზოგადოების ეჭვი იმის თაობაზე, რომ საქართველოს მთავრობამ არა მხოლოდ შეგნებულად არ გააფრთხილა ქართველი ჯარისკაცი დაკავებისა და რუსეთისთვის გადაცემის საფრთხის შესახებ, არამედ აქტიურად ითანამშრომლა მტერთან და გადასცა რუსეთს საიდუმლო ინფორმაცია ქართველი ჯარისკაცის შესახებ, რითიც ჩაიდინა სახელმწიფოებრივი ღალატის აქტი.

ფოტო: საზოგადოებრივი მაუწყებელი

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი