2017-01-23 16:44:27, 2739 ნახვა
ეკონომიკა
ლარი დოლართან და ევროსთან მიმართებაში გაუფასურებას განაგრძობს
ლარი დოლართან და ევროსთან მიმართებაში ისევ გაუფასურდა.
ეროვნული ბანკის მიერ დადგენილი ლარის ახალი ოფიციალური გაცვლითი კურსის თანახმად, 1 დოლარი ხვალ, 2.6868 ლარი ეღირება, დღემდე მოქმედი კურსით კი 2.6763 ლარს შეადგენდა. კურსის ცვლილებამ დოლართან მიმართებაში 0.0105 ლარი შეადგინა.
რაც შეეხება ევროს, ლარი ევროსთან მიმართებაშიც გაუფასურდა. 1 ევრო ხვალ, 2.8851 ლარი ეღირება, დღემდე მოქმედი კურსით კი, მისი ღირებულება 2.8457 ლარი იყო. შესაბამისად, კურსის ცვლილებამ ევროსთან მიმართებაში 0.0394 ლარი შეადგინა.
ცნობისთვის, ლარი ყველა ვალუტასთან გაუფასურდა, გარდა უზბეკური სუმისა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
