ეროვნულ-დემოკრატიული ინსტიტუტისა (NDI) და CRRC-ის საზოგადოებრივი აზრის კვლევის თანახმად, მოსახლეობის უმეტესობა მერიისა და საკრებულოს მუშაობას ვერ აფასებს.

კერძოდ, კითხვაზე - რამდენად კმაყოფილი ან უკმაყოფილო ხართ, მერიის და საკრებულოს მუშაობის, გამოკითხულთა 38%-მა არ იცის როგორ მუშაობს საკრებულო, 3% - მუშაობით ძალიან უკმაყოფილოა, 20% - უკმაყოფილოა, 34% მიიჩნევს, რომ საკრებულო კარგად მუშაობს, ხოლო 3% - ძალიან კმაყოფილია.

რაც შეეხება მერიის მუშაობას, 40%-მა არ იცის როგორ მუშაობს მერია, 5% - მერიის მუშაობით ძალიან უკმაყოფილოა, 22% - უკმაყოფილოა, 31% - დადებიტად აფასებს და კმაყოფილია, ხოლო 2% მერიის მუშაობით ძალიან კმაყოფილია. 

ამასთან, გამოკითხულთა 86%-მა აღნიშნა, რომ ბოლო 12 თვის განმავლობაში საკრებულოსთან შეხება არ ჰქონია, მაშინ როდესაც 14%-ს საკრებულოსთან შეხება ჰქონდა. გარდა ამისა, გამოკითხულთა 67% ბოლო 12 თვის განმავლობაში მერიასთან შეხება არ ჰქონდა, 11%-ს კი ჰქონდა. 

ცნობისთვის, NDI-ს კვლევის საველე სამუშაოები 4 ნოემბრიდან 4 დეკემბრის პერიოდში ჩატარდა და მის ფარგლებში საქართველოს მასშტაბით (ოკუპირებული ტერიტორიების გამოკლებით), 3 141 პირი პირისპირ ინტერვიუს პრინციპით გამოიკითხა. როგორც ორგანიზაციაში აცხადებენ, კვლევის შედეგეის საშუალო ცდომილების ზღვარი +/-1,8%-ია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: დახვეწილი ხელწერაა, როცა ხელისუფლებას აქვს ჯანსაღი რეაქცია სამართალდარღვევაზე

ევროკავშირი უკრაინას თითქმის 2.8 მილიარდ ევროს გამოუყოფს

შს მინისტრის მოადგილე გორში პოლიციელების მხრიდან მოქალაქის ცემას სამწუხარო ფაქტს უწოდებს

ლავროვი საქართველოსა და მოლდოვიდან რუსული ჯარების გაყვანაზე კალასის განცხადებაზე: იდიოტურ განცხადებებს არ განვიხილავ