რუსეთის ელჩის მკვლელობასთან დაკავშირებით თურქეთის პოლიციამ 7 ადამიანი დააკავა

2016-12-20 12:47:08, 2149 ნახვა

მსოფლიო

რუსეთის ელჩის მკვლელობის საქმესთან დაკავშირებით თურქეთის პოლიციამ 7 ადამიანი დააკავა, - ამის შესახებ თურქული სააგენტო Anadolu იუწყება.

მედიის ინფორმაციით, თურქეთის დასავლეთ პროვინცია აიდინში დაკავებულები არიან თავდამსხმელის მშობლები, და და კიდევ 3 ნათესავი, ასევე პირი, რომელიც ანკარაში თავდამსხმელთან ერთად ბინაში ცხოვრობდა.

შეგახსენებთ, რომ 19 დეკემბერს ანკარაში ფოტოგამოფენის გახსნისას ყოფილმა პოლიციელმა, 22 წლის ახალგაზრდამ მევლუთ მერტ ალტინტასმა რუსეთის ელჩი ანდრეი კარლოვი რამდენიმე გასროლით მოკლა. ვიდეოჩანაწერში ისმის, როგორ ყვიროდა თავდამსხმელი "ალაჰუ აკბარ! არ დაგავიწყდეთ ალეპო! არ დაგავიწყდეთ სირია!"

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან