თბილისის მერის დავით ნარმანიას განცხადებით, ამ ეტაპისთვის 2017 წლის ბიუჯეტში „სითი პარკთან“  ხელშეკრულების გაწყვეტის შემთხვევაში, მათთვის გადასახდელი 25 მილიონი ლარის მოძიების შესაძლებლობა არ აქვთ.

როგორც ნარმანიამ საკრებულოს სხდომაზე განაცხადა, „სითი პარკთან“  დაკავშირებით საკრებულოში შესაძლოა, ღია მსჯელობა გაიმართოს.

 „ვინაიდან ჩვენ ვერ გავწყვიტეთ ხელშეკრულება „სითი პარკთან“, საკითხი ღიად სამსჯელოდ გადმოვიტანეთ თბილისის საკრებულოში.  ღია მსჯელობა შესაძლოა გაიმართოს აქ. რას ნიშნავს ღია მსჯელობა? შეგვიძლია დავიბაროთ სითი პარკის წარმომადგენლები, არა მხოლოდ ადგილობრივი დირექტორები, არამედ მოიწვიეთ და ჩამოიყვანეთ დამფუძნებლები, ნუ მოერიდებით, ისევე როგორც ჩვენ არ ვერიდებით მათთან არც ერთი შეხვედრის დროს ძალიან მწვავე საკითხების წამოჭრას. თუმცა, ხაზს ვუსვამ იმას, რომ „სითი პარკთან“  ძალიან დანაშაულებრივი ხელშეკრულებაა გაფორმებული და ამ დანაშაულებრივი ხელშეკრულებების მთავარი ხელმომწერი არის საკრებულოს სხდომაზე ბატონი ახვლედიანი. ასე რომ მასაც შეგიძლიათ მოჰკითხოთ ეს საკითხი. ჩვენ არ გვქონდა ამ ეტაპისთვის 25 მილიონი ლარის მოძიების შესაძლებლობა ბიუჯეტში, ამიტომ არ არის ასახული ბიუჯეტის პროექტში 25 მილიონი ლარი, რაც „სითი პარკთან“  ხელშეკრულების გაწყვეტის შემთხვევაში გვექნებოდა მათთვის გადასახდელი“,-განაცხადა ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი სომხეთიდან ხილისა და ბოსტნეულის იმპორტს ზღუდავს

ირანის ელჩმა ყაველაშვილს თბილისის მეჩეთის მონახულების გამო მადლობა გადაუხადა

კალაძე გორში მომხდარ ძალადობაზე: ფაქტი არის ძალიან მძიმე - მნიშვნელოვანია, რომ შესაბამისმა სამსახურებმა რეაგირება მოახდინეს

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია