ნარიყალას ციხის კონსერვაცია-რეაბილიტაცია დაიწყო.

როგორც „ექსპრესნიუსს“ კრწანისის რაიონის გამგეობიდან აცნობეს,  სამუშაოებს, კრწანისის გამგეობის მიერ დაფინანსებული პროექტის ფარგლებში, თბილისის განვითარების ფონდი ახორციელებს.

მათივე ცნობით, პროექტი, რომელიც შეთანხმებულია კულტურული მემკვიდრეობის დაცვის ეროვნულ სააგენტოსთან, რამდენიმე ნაწილისგან შედგება.

პირველი ეტაპი ციხის აღმოსავლეთი კედლის კლდოვანი ფუძე-საძირკვლების გამაგრებას და ბურჯების გამოქარული ფრაგმენტების აღდგენას მოიცავს. კონსერვაცია-რეაბილიტაციის სამუშაოებთან ერთად, გათვალისწინებულია ტურისტული ინფრასტრუქტურის მოწესრიგებასაც.

ისტორიულ ძეგლზე მიმდინარე სამუშაოები თბილისის მერმა, დავით ნარმანიამ, თბილისის განვითარების ფონდის დირექტორთან, გიორგი ბაიდარაშვილთან და კრწანისის რაიონის გამგებელთან, გიორგი კოპალეიშვილთან ერთად დაათვალიერა. ღონისძიებაზე ასევე იმყოფებოდნენ კულტურული მემკვიდრეობის დაცვის სააგენტოს წარმომადგენლები, დარგის სპეციალისტები, კრწანისის მაჟორიტარი დეპუტატები პარლამენტსა და საკრებულოში. 

ლოკალური რეაბილიტაცია ქალაქის მთავარ ციხე-სიმაგრეს ბოლოს გასული საუკუნის 80-იან წლებში ჩაუტარდა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალაძე: ოპოზიციაში მიდის ბრძოლა - ვის ერქმევა მთავარი ოპოზიციური პარტია

ევროკავშირი რუსეთისგან მოითხოვს ცხინვალის რეგიონიდან, აფხაზეთიდან და დნესტრისპირეთიდან მისი გაყვანას

სადაზღვევო პროდუქტები თიბისის მობაილბანკში - შენი საუკეთესო ციფრული გამოცდილებისთვის

“ქეშბექობანა” - ლიბერთის ლოიალობის პროგრამა Cashback-ის და VISA-ს განსაკუთრებული შეთავაზებები ბავშვებისთვის