ამერიკის რამდენიმე შტატში ტორნადოების სერიას ნგრევა და მსხვერპლი მოჰყვა

2016-11-30 22:22:18, 2787 ნახვა

მსოფლიო

მისისიპის და ალაბამას შტატებს ტორნადოების სერიამ გადაუარა.

USA TODAY-ის ინფორმაციით, სტიქიის შედეგად დაღუპულია სულ მცირე 5 ადამიანი, მათ შორის ერთ-ერთი ბავშვია.

ტორნადომ ალაბამაში ორი ქალაქი დააზარალა. როზალიში ქარბორბალას ნგრევა და მსხვერპლი მოჰყვა. ქალაქ იდერში კი ტორნადოს შედეგად 4 მცირეწლოვანი დაშავდა. სტიქიამ რამდენიმე დასახლება დააზარალა მისისიპიშიც, სადაც სამი ტორნადო დაფიქსირდა.

ქარბორბალამ შენობებს სახურავები გადახადა, წააქცია ხეები და ელექტროგადამცემი ბოძები.

მეტეოროლოგების განცხადებით, ტორნადოების სერია ძლიერი შტორმის გამო ჩამოყალიბდა და ახლა ის ტენესის შტატს ემუქრება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან