„მე არ ვარ საქართველოში, ახლა ვიმყოფები ევროპის დედაქალაქ ბრიუსელში, მაგრამ აქაც საქართველოთი ვსუნთქავ“, - ასე მიმართა საქართველოს ექს-პრეზიდენტმა მიხეილ სააკაშვილმა ბრიუსელიდან, თავისუფლების მოედანზე შეკრებილ საპროტესტო აქციის მონაწილეებს.

„სადაც არ უნდა ვიყო, ჩემთვის მზე ამოდის საქართველოდან და ჩადის საქართველოში. მთელი ჩემი მოღვაწეობა, საქმიანობა, ყოველთვის ეძღვნებოდა მხოლოდ ერთ რამეს, რომ თითოეული თქვენგანის ოჯახს თავი ეგრძნო უფრო ადამიანურად, უფრო ღირსეულად და ყველას ერთად გვეამაყა ჩვენი განსაკუთრებული სამშობლოთი. ეს იქნება ჩემი ცხოვრების მიზანი, სანამ პირში სული მიდგას, სანამ ამ დედამიწაზე დავდივარ, ჩემი სიცოცხლე, ჩემი ცხოვრება გეკუთვნით თქვენ, ეკუთნის ჩვენს ქვეყანას, საამაყო საქართველოს და ამზე ხელს ვერავინ ვერ ამაღებინებს. ძალიან მენატრებით ყველანი და ძალიან მენატრება საქართველო, მაგრამ დარწმუნებული ვარ, სულ ცოტა დროში გადავლახავთ ყველა დაბრკოლებას და შევძლებ თქვენს გვერდით დავდგე, ჩამოვიდე საქართველოში და შემოგიერთდეთ ჩვენი ქვეყნის მომავლისთვის, ჩვენს ბრძოლაში, ჩვენს ყოველდღიურ შრომაში საქართველოს გადასარჩენად. გული მიკვდება იმაზე, თუ რა ხდება ჩვენს საყვარელ საქართველოში. გული მიკვდება იმაზე, რომ ვუყურებ გაჩერებულ ეკონომიკას, რომ ვუყურებ როგორ იხურებიან ყოველდღე საწარმოები, მაღაზიები, სასტუმროებიც კი, როგორ გარბიან ყოველდღიურად საქართველოდან ინვესტორები, როგორ ჩერდება ის დიდი პროექტი, რომელიც მსოფლიო ბრენდად ვაქციეთ და რომლითაც ყველანი ერთად, დამსახურებულად ვამაყობდით“, - განაცხადა მიხეილ სააკაშვილმა.

ცნობისთვის, თავისუფლების მოედანზე მთავრობის გადადგომის მოთხოვნით „ნაციონალური მოძრაობის“ აქცია მიმდინარეობს. აქციაზე ათასობით ადამიანია შეკრებილი. ადგილი სამართალდამცველები არიან მობილიზებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხაბეიშვილი - ქოცების ხელში დავრჩებით მანამ, სანამ არ მოვიკრებთ გამბედაობას და არ გადავალთ შეტევაზე

ქართველ მწერალთა სახლს შეუერთდებიან ჭავჭავაძის, წერეთლის, ტაბიძის და სხვათა მუზეუმები

შეავსე განაცხადი 2026 წლის მასწავლებლის ეროვნულ ჯილდოზე - პროექტის მხარდამჭერი საქართველოს ბანკია

მართვის მოწმობის მიღების წესებში ცვლილებები შევიდა