პუტინმა რუსეთის და ოკუპირებული აფხაზეთის საერთო ჯარის შექმნის შესახებ კანონის რატიფიკაციას ხელი მოაწერა

2016-11-22 18:16:53, 997 ნახვა

პოლიტიკა

რუსეთის პრეზიდენტმა ვლადიმერ პუტინმა რატიფიკაციის კანონს, რუსეთის ფედერაციასა და ოკუპირებულ აფხაზეთს შორის სისხლის სამართლის საქმეებზე ორმხრივი სამართლებრივი დახმარების შესახებ, ხელი მოაწერა, - ამის შესახებ ინფორმაციას "რია-ნოვოსტი" ავრცელებს.

როგორც მედია საშუალება იუწყება, შეთანხმებას ხელი 2015 წლის 21 ნოემბერს მოეწერა.

"შეთანხმების" თანახმად, გაერთიანებული დაჯგუფების მთავარი ამოცანაა „შეიარაღებულ თავდასხმაზე (აგრესიაზე) ადეკვატური რეაგირება, ნებისმიერი ქვეყნის მიმართ“. გაერთიანებულ დაჯგუფებაში ოკუპირებულ აფხაზეთში დისლოცირებული რუსული სამხედრო ბაზა, ორი აფხაზური მოტომსროლელი ბატალიონი, საავიაციო და საარტილერიო ჯგუფები, ასევე სპეცდანიშნულების ძალების ქვედანაყოფი შევა. დაჯგუფებას რუსული საოკუპაციო ბაზის წარმომადგენელი უხელმძღვანელებს.

„რატიფიცირებულ იქნას კანონი რუსეთის ფედერაციასა და აფხაზეთს შორის სისხლის სამართლის საქმეებზე ორმხრივი სამართლებრივი დახმარების შესახებ“, - ნათქვამია დოკუმენტის ტექსტში.