ბრაზილიის დედაქალაქში მთავრობის სოციალური პოლიტიკით უკმაყოფილო დემონსტრანტები ნაციონალური კონგრესის შენობაში შეიჭნენ და სხდომათა დარბაზი დაიკავეს, - ამის შესახებ BBC იუწყება. 

მედია საშუალების ცნობით, აქციაში სულ რამდენიმე ათეული ადამიანი მონაწილეობს. პოლიცია მათ პარლამენტის შენობიდან გაყვანას ცდილობს.

ცნობისთვის, ბრაზილიაში უკვე კვირაზე მეტია აქციის მონაწილეები მთავრობის ინიციატივას აპროტესტებენ, რომელიც ყველა სახის სოციალური დახმარების 20 წლით გაყინვას ითვალისწინებს.

მედიის ინფორმაციით, აღნიშნული პროექტი მიშელ ტემერის გარდამავალი მთავრობის მიერ ინიციირებული ხარჯების შემცირების გეგმის ნაწილია. კანონპროექტი კონგრესის ქვედა პალატამ უკვე დაამტკიცა.

საკონსტიტუციო შესწორება ითვალისწინებს მომავალი 20 წლის განმავლობაში ჯანდაცვისა და განთლებს ყველა სახის სოციალური ხარჯის გაყინვას, ასევე ბიუჯეტის დეფიციტის აღმოფხვრის მიზნით საპენსიო ხარჯების შემცირებას.

შეგახსენებთ, რომ მიშელ ტემერის დროებითი მთავრობა მას შემდეგ ჩამოყალიბდა, რაც მაისში ბრაზილიის პარლამენტმა დილმა რუსეფის იმპიჩმენტის პროცედურის დაწყებას მხარი დაუჭირა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მასშტაბით ყოველდღე წუთიერი დუმილი გამოცხადდება

პსპ ფარმა თბილისის მუნიციპალიტეტის ბენეფიციარებს მედიკამენტებს კვირის ნებისმიერ დღეს ფასდაკლების დღეების ფასად მიაწვდის

18 ევროპარლამენტარი EU-ს მიმართავს, შეაფასონ იმედის საქმიანობა, განსაზღვრონ შესაძლო ზომები

დრონებმა რუსეთის ერთ-ერთ უდიდეს ნავთობგადამამუშავებელი ქარხანა დაბომბეს